| Nicolaus | episcopus, servus servorum dei, dilectis filiis . . abbati et conventui monasterii beate Marie virginis Gotwicensis ordinis sancti Benedicti Pataviensis diocesis salutem et apostolicam benedictionem. Apostolice sedis etc. Sane siquidem exhibita nobis nuper pro parte carissimi in Christo filii nostri Friderici Romanorum imperatoris illustris atque vestra peticio continebat, quod licet monasterium beate Marie Gottwicensis ordinis sancti Benedicti Pataviensis diocesis dudum per Bonifacium papam VIIII. sic in sua obediencia, de qua partes ille tunc erant, nunccupatum cum omnibus membris ecclesiis cappellis locis possessionibus rebus et bonis suis universis illiusque abbas et conventus plenarie exemptum et sub proteccione ipsius Bonifacii et beati Petri sedisque apostolice proteccione susceptum fuerit, nichilominus malicia temporum et gwerris in partibus illis proch dolor tunc ingentibus necnon molestacionibus abbati et conventui dicti monasterii per bone memorie Leonardum episcopum Pataviensem super exempcione huiusmodi illatis causantibus abbas tunc existens et conventus dicti monasterii ab huiusmodi exempcione recedere compulsi fuere seque iurisdiccioni prefati episcopi et suorum successorum, ne propterea inter ipsos maiores lites occurrerent, submittere oportuit. Nos cupientes, ut vos et successores vestri, qui in eodem monasterio nunc et pro tempore degent, quamdiu in observantia regulari huiusmodi vixeritis, ut eo diligencius et devocius virtutes amplecti et in mandatorum dei servitiis delectari studeatis, quo maioribus per sedem predictam vos cognoveritis privilegiis communiri, dicti imperatoris atque vestris in hac parte supplicacionibus inclinati vos et successores vestros abbatem pro tempore existentem et conventum dicti monasterii necnon omnes et singulos monachos conversos et personas ac servitores tam clericos quam laicos vestris et ipsius monasterii serviciis pro tempore actualiter insistentes membra ecclesias capellas loca possessiones predia et grangias cum rebus et bonis suis mobilibus et inmobilibus spiritualibus et ternporalibus iuribus et iurisdiccionibus quibuscumque ad ipsum monasterium spectantibus ubicumque consistentibus, que possessiones grangias predia et bona mobilia propriis manibus vel sumptibus vestris excolitis seu excoli facitis et que in presenciarum legittime possidetis et imposterum dante domino iustis titulis poteritis adipisci, ab omni iurisdiccione dominio potestate subieccione correccione et superioritate quorumcumque eciam legatorum sedis predicte et de latere Romani pontificis cardinalium missorum seu nuncciorum eiusdem sedis archiepiscoporum,^a episcoporum et presertim episcopi Pataviensis pro tempore existentis et aliorum quorumcumque iudicum et superiorum,^b tamdiu et quousque vos et successores vestri sub regulari observantia vixeritis, ut prefertur auctoritate apostolica tenore presencium prorsus eximimus et eciam liberamus vosque ac illos et illa sub beati Petri et sedis predicte proteccione suscipimus atque nostra necnon exemptos et exempta esse voluimus nobisque et dicte sedi immediate subesse ita, quod legati nunccii archiepiscopi episcopi et presertim Pataviensis episcopus ac iudices et superiores prefati racione domicilii personarum deditarum seu contractus aut rei, de qua agetur, ubicumque committatur delietum, iniatur contractus aut res ipsa consistat, nullam in vos successores monasterium conventum monachos conversos personas servitores membra ecclesias capellas loca possessiones grangias predia res bona et iura huiusmodi possint iurisdiccionem potestatem dominium correccionem et superioritatem quomodolibet exercere, sed dumtaxat coram nobis et successoribus nostris Romanis pontificibus canonice intrantibus vel a sede predicta delegatis teneamini et ipsi teneantur de iusticia respondere districcius sub pena obediencie, inhibentes legatis nuncciis archiepiscopis episcopis et presertim episcopo Pataviensi iudicibus et superioribus predictis, ne ipsi seu aliquis eorum eciam auctoritate quacumque quavis occasione vel [440] causa eciam racione criminis domicilii persone contractus obligacionis vel submissionis aut alias qualitercumque absque speciali licencia nostra seu sedis apostolice eisdem legatis nuncciis archiepiscopis episcopis et presertim episcopo Pataviensi iudicibus et superioribus per bullam nostram seu sedis prefate eis intimandum contra abbatem conventum et personas huiusmodi procedere inquirere seu eos corrigere visitare instituere vel destituere seu aliquid contra eos attemptare aut innovare vel quascumque excommunicacionis suspensionis et interdicti sententias aliasque censuras ecclesiasticas et penas aut diffinitivas vel interloquutorias seu absolutorias sentencias ferre seu promulgare presumant, omnes quoque et singulos processus ac excommunicacionis suspensionis et interdicti aliasque tam diffinitivas quam interloquutorias et alias quascumque sentencias censuras quoque et penas, quos et quas contra vos successores monasterium conventum monachos conversos personas servitores membra ecclesias capellas et loca predicta haberi contigerit seu eciam promulgari, irritos et irritas decernimus pariter et inanes et ex nunc irritum et inane, si secus super hiis a predictis vel a quoquam quavis auctoritate scienter vel ignoranter contigerit attemptari. Preterea moderno et pro tempore existenti abbati dicti monasterii, ut in eventum, quo episcopus Pataviensis pro tempore existens denegaret abbati et conventui dicti monasterii illiusque personis crisma oleum sanctum et alia sacramenta ecclesiastica ministrare seu ministrari^c facere ac monachos seu novicios dicti monasterii ad sacros vel alios ordines promovere vel ordinare seu se ad id difficilem reddere, ut^d a quocumque catholico antistite graciam et communionem sedis predicte habente crisma oleum et alia sacramenta huiusmodi recipere ac personas monachos et novicios supradictos per eundem vel alium catholicum antistitem similem graciam et communionem habentem ad sacros vel alios ordines huiusmodi eciam litteris dimissorialibus communiter nuccupatis^e non petitis seu obtentis promoveri libere possint, auctoritate apostolica tenore presencium concedimus per presentes non obstantibus felicis recordacionis Innocentii pape quarti predecessoris nostri et aliis apostolicis constitutionibus ceterisque contrariis quibuscumque. Et nichilominus venerabili fratri nostro episcopo Spoletano et dilectis filiis abbati monasterii Melicensis ac preposito ecclesie sancti Stephani Wienensis dicte diocesis eciam sub obediencie pena per apostolica scripta committimus et mandamus, quatenus ipsi vel alter eorum litteras exempcionis huiusmodi ac omnia alia et singula in eis contenta, quociens super hoc pro parte abbatis et conventus predictorum fuerint requisiti, execucioni debite demandent ac faciant auctoritate apostolica inviolabiliter observari nec permittant abbatem et conventum predictos per legatos nunccios archiepiscopos episcopos et presertim episcopum Pataviensem pro tempore existentem ac iudices et superiores predictos aut quovis^f alios contra tenorem litterarum earundem quomodolibet molestari contradictores auctoritate nostra appellacione postposita compescendo non obstantibus, si legatis nuncciis archiepiscopis episcopis et presertim episcopo Pataviensi pro tempore existenti ac iudicibus et superioribus prefatis vel quibusvis aliis communiter vel divisim a dicta sit sede indultum, quod interdici suspendi vel excommumcari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Nulli ergo etc. Datum Rome apud Sanctum Petrum anno incarnacionis dominice millesimo quadringentesimo quinquagesimo secundo, nono kalendas maii, pontificatus nostri anno sexto.

Source Fulltext: FUCHS, Göttweig II (=FRA II/52, Wien 1901) S. 438-441