Nos Sigismundus dei et apostolice sedis gracia episcopus Salonensis, cooperator in spiritualibus ecclesie Pataviensis sede vacante, universis etc. Quia pro modulo nostro fidelium mentes unius effici voluntatis et ad cultum divinum ex cordis affectu per opera pie devocionis Christi fideles allicere cupientes de consensu et voluntate specialique et singulari commissione venerabilis capituli ecclesie Pataviensis gracia sancti spiritus nobis specialiter suffragante ea diligencia et devocione, qua potuimus, de novo consecravimus in ecclesia sancte Margarethe in Superiori Ra^enna¹ altare in honore sancti Bartholemie^a apostoli et sancte Dorothee virginis versus aquilonem tercia die mensis iunii et [eadem]^b die reconciliavimus cimiterium ibidem, dedicationem eiusdem ecclesie et altarium transposuimus in dominicam terciam post pascha, qua in ecclesia dei canitur: iubilate deo, a cunctis Christi fidelibus perpetuo venerari. Igitur omnibus vere penitentibus contritis et confessis, qui ad predictam ecclesiam et altare^c convenerint missamque ibi legerint vel audierint sive manus adiutrices porrexerint cum cera candelis libris quibusque aliis rebus ad cultum divinum spectantibus, si qua devote obtulerint, in omnibus festivitatibus infrascriptis nativitatis circumcisionis epiphanie resurrectionis ascensionis domini nostri Ihesu Cristi in festo penthecosten^a trinitatis corporis domini nostri Iesu Cristi et per octavas eiusdem dominici corporis atque in omnibus festivitatibus sanctissime dei genitricis virginis matris Marie et per octavas assumpcionis visitacionis Marie ad Elizabeth et omni die dominico, sancti Michahelis archangeli omnium sanctorum sancti Iohannis baptiste sanctorum Petri et Pauli apostolorum et omnium apostolorum, Stephani prothomartiris Laurencii martiris Ieronimi prespiteri et doctoris Marie Magdalene Katherine Barbare Dorothee, in festo dedicacionis predicte ecclesie patronorum et altarium devote convenerint, de omnipotentis dei misericordia et beatorum Petri et Pauli apostolorum eorundem auctoritatibus confisi quadraginta dies criminalium de iniunctis sibi penitenciis misericorditer in domino relaxamus. Datum et actum loco et temporibus quibus supra sub anno domini millesimo quadringentesimo quinquagesimo quarto harum testimonio litterarum sub appensione nostri sigilli roboratorum.^a