Anno domini MCCCCLIIII feria quarta post Pangracii hat Agnes, Steffan des Legel weilnt gesezzn zu Mauttarnn sêlign witib und ietz Wolfgang des Magens eleiche hausfraw, mit handen des erwirdign geistleichn herren, hern Wolfgans^a abbt zu Go^etweig irem egenanten mann Wolfgangen Magens fu^er sein gelt, das er zu ir bracht und von iren wegen an ir guet angelegt hat, hingegn vermacht, alsvil sŷ des dann macht gwalt und recht zu vermachen hat, die hernach benanten stukch in massen, als hernach geschribn stet; item ir halbs haws zu Mauttarn gelegen gen den fleischtischen u^eber, davon man dint vom ganczen haws gen Go^etbeig VI d.; item ir veldlehen halbs gelegen zu Mauttarn, davon man dint von dem ganczen lehen IIII ember most XII d. zu sand Margretentag XX metzen vogthabern VI d. darauf alles gên Gotbeig; item iren ganczen garten gelegen in der O^edgassen,¹ davon man dint gen Go^etbeig X d. Das obgenant halb haws und das halb veldlehen und den ganczen garten iegleichs mit seiner zughorung vermacht sŷ irem egenanten man in so^elher maÿnung, ob sŷ var im mit tod abget, so sol er dieselben drew stukch hinfur nach irem tod ledichleich haben und allen sein frum damit ze schaffn, wie in verlusst. Gieng aber der benant Magens var ir mit tod ab, so sol sŷ die egenanten stukch ir lebtag haben, und nach irem tod sol der halb tail daraus erben und gevallen auf ir erben und der ander halb tail auf des benanten Magens nagst erben. Actum ut supra presentibus Christoforo plebano in Napersdorf, Jo^ergen Teispekchen und des Vilczhofer baid von Mauttarn, Tibolt Pŷmisser etc. 

Original dating clause: feria quarta post Pangracii

Language: Deutsch

Notes: