Allerdurchlêuchtigister kayser und allergnedigister herr! etc. Als e. k. m. von dem benanten gotzhaus von der vogtei uns paiden geschriben und des gotzhaus zw Gottweig guetter enhalben der Tunaw, darauf vogthabern e. k. g. von dem benanten gotzhaws von vogtei wegen ia^erlich gepurendt ze geben ligt, dieselben zu verraitten und solch beschedigung raub und schaden denselben in den nagstvergangen kriegen von den veinten widergangen ze besichten und die mit dem ia^erlichen abgang aigentleich ze erfaren und e. g. des darnach ze underrichten ernstleich bevolhen hat, sein wir solhen e. k. g. bevelhnu^essen, als sich gepurd, gehorsam gwesen und haben uns nach e. g. gescha^efften daselbs hingefuegt und solh beschedigung und scha^eden den armanleutten durch des ku^enigs von Pehaim intzug¹ in das lannd und der Eytzinger krieg wegen widergangen mit guetem getrewn vleiss besuecht uns von denselben armenlêutten in dem ainigen ambt Nider Ra^enna etleich tag erkund und von ainem yedem in sunnderhait warleich erfragt und von den allen ainhellikleich darauf mit irer bekantnu^ess gehert und die aigenkleich aufgeschriben, wi sy solchen vogthabern des LVIII. iar in jarlicher sumb XLII mut XXVIII metzen an dem jarlichen abgang auf in ligkund von wegen der oberuerten scha^eden in ze dorff und veld, als bemelt ist, beschechen auch ander die dinst ir herschafft gen Gottweig geburend des iar mit nichte vermugen ze geben. Dapey haben wir uns von denselben armanlêutten auch ettleichen desselben gotzhaws urbarn erkundt, das an den II^C mut vogthabern, so das gotzhaus e. k. g. als lanndesfursten und obristen vogtherrn auf widerlegung ains scherm jarlichen zw raichen schuldig ist, auf XLVI mut haber allain in dem bemelten ambt Ra^ena iarleich abgen und ewigkleich nicht gedient mogen werden, wan die guetter, davon solch sumb habern weilent geben ist, durch menig beschedigung und gantz verdarben der hussa^erey ze dorf und veld vor menigern vergangen iaren gantz o^ed und zw êurden glegt sind worden und dartzue das in den a^embtern umb den perg Gottweig, Noppenndorff, Markcharsdorff, Pirchach, von dem hoff zu Rust etc. auch ia^erlich etleich mut vogthabern abgen und nicht geben werden. Uber das haben nur^a von denselben armanleutten dem gotzhaus zuegehorund auch andern warhafften aber aigenkleich erkund, das das gotzhaws an den II^C mut vogthabern, so es alle iare zu vogtrecht pflichtig ist zw geben, ia^erlich nicht mehr als pey 1^C und XXV mut habern intzenemen hat und doch dieselb sum habern auch zu zeitten von armuet der leut ungewiters oder ander scha^eden wegen nicht ga^enntzleich geben wirdet und solch menig ja^erlich abgang hat das gotzhaus von seinem dienst paw und kaufhabern jarlichen nach grossen unstatten und merkchlichen verda^erben lange iar hintzher erstatten muessen und des in leng an verderben nicht vermag. Darumb pitten wir e. k. g. in gehorsamer underta^enigkait solch unser oberuert getrew vleiss, so wir auf e. g. schreiben willigkleich getan haben, mit allen gnaden von uns aufczenemen und das benant gotzhaus in anvodrung des vogthaberns des obgenanten LVIII. iars auf der armanleut beruert enpfanngen scha^eden darzue in dem oberu^eerten grossen iarlichen abgang yczo und furbaser ze bedenchten^b und darauf mit ku^enftiger anvodrung und in allen [509] andern wegen sunderbar mit der widerlegung ains schermbs von solchs micheln vogthaberns wegen gnadikleich bevolhen ze haben etc. Geben zw Gottweig am montag nach sand Niklastag anno domini im LVIII.||
Euer k. g. underta^enig und gehorsam Albrecht von Yewspicz zu Rappoltstain und Pernhart Muluelder, zum Achstain pfleger etc.

Source Fulltext: FUCHS, Göttweig II (=FRA II/52, Wien 1901) S. 507-509