Allerdurchlewchtigister kayser und gna^edigister her! etc. Als wir uns die vergangen tag zw ew k. m. notturftiklich gefuegt und uns gegen der nach gegenbu^ertikayt mit gehorsamer undertanikait. dy nye mit bezêugnu^ess des alma^echtigen gottes erkennt aller hercz und warhait, von ynnikait unsers herczen anders, dan wir swa^erlich, als e. g. fu^eran vernemen wierdet, gedrungen sein, von uns aufgehabt ist worden, nach Ordnung der pillikait dienmu^eetiklich peweist solten haben, auch solchs von herczenlicher pegier willikleich und geren getan und verpracht wolten haben, so uns die unsicherhait der weg damit unser abbesen von unserm perg und geslos Gottweig von tra^eflicher fu^ersarigen der kumerlicher krieglêuf, auf der kerung wir hincz her ganncz ungeva^erlich verzogen haben und noch derselben unsicherhait und fursargen wegen u^eber unsers herczen begierlichait ze verziehen laider gedrungen werden, nicht verhindert hieten. Darauf allergenedigister her hieten^a wir ew. k. m. in anda^echtigem vleis mit gehorsamer, williger und dienmu^eetiger underta^enigkait, ew. k. g. welle uns unser ausein von oberu^erter ursach wegen hincz her beschechen nicht in ungnaden noch ungehorsam aufnemen, sunder uns gna^ediklich willen und frist zu tun, das wir uns als ew. k. g. dienmu^eetig und anda^echtig kapplen solcher bemelter unsicherhait und fu^eersarg halben fueglich zw ew. g. fu^eegen und ew. k. m. angeborn lieb guetigkait und gnad uns vormallen als geistlichen stand pebeist mit gepu^erlicher und warlicher bekanntnu^ess, dadurch wir laider von ew. k. m. mit urlaub gedrunglich uber unsers herczen willens aufgestannden und doch den sein hincz her an all entsagung und schaden beliben sein, als wir zw got und derselben ewr angeborn guetikait ynnikleich hoffen widerumb gna^edigkleich erlanngen mugen. Dan allergenedigister her, als uns e. k. g. yczo in raiss ervodert hat, haben wir unser dienner und lewt zu rossen und zw fuessen darauf ew. k. g. zu getrewer beistandt nach bevelhnu^ess solcher schreiben gein Klosternewnburg geschikt und den daselbs auf e. g. weitter gescha^efft ze weleiben aigenklich bevolhen und bitten andachtiklich uns solchs so oben beru^eert ist nit verzeihen, sunder uns unser lieben frawn goczhaws, das gancz in abnemen durich manigfaltig verderblich beschedigung gebracht ist, mitsambt seiner zuegeho^erung, was der noch verhanden ist, gna^edigklich ze schermen und zw lob der diensperkait^b des alma^echtigen gocz und hail aller glaubigen sel willen bevolhen ze haben etc. Geben zw Gottweig am pfincztag nach letare anno domini etc. LXIIII iar.^c

Source Fulltext: FUCHS, Göttweig II (=FRA II/52, Wien 1901) S. 574-575