Ersamer herr! etc. Uns hat der erwirdig geistlich herr, herr Mert abbt zu Gott(weig) anpracht, wie ir im seinen pfarrer zw Mauttarn in vancknu^esz wider geistliche ornung^a und freyhait seines gotzhaws genomen und noch darin haltet, bitten wir euch in vleisz dem obgenanten von Gottweig seinen pfarrer und mitbrueder an entgeltnusz und an vertziechen ledig und dŷ sachen dyczmalls gutlich auf zukumft unsers genadigen hern von Passaw auste^b lasset, der dy sachen horen und an zweyffel nach aim pillichen darin handeln und an wem deu schuld erfundet^c wirdet, das darumb nach geleichen und pillichen dingen genuegen beschechen und uns des nicht vertzeihet etc. Ewer antwurt lat^d uns bey dem poten wissen.||
Aufschrift: Ein schreÿben von den landlewten, dy zu Ha^ederstorf sind gewesen.

Source Fulltext: FUCHS, Göttweig II (=FRA II/52, Wien 1901) S. 565-566