Unser gebet etc. Edler sunder lieber! Als ir uns yecz geschriben habt, wie der Sewsenecker unser holden, so weyland Jorg Scheck von Wald hat, aufervordert hab mit im in das veld ze ziechen etc. und uns pittet darob ze sein mit unsern holden schaffen, das sy in den sachen und aufervordern von der vogtey wegen nicht gehorsam sein sunder ewrm brueder herrn Mathes von Spawr etc., lassen wir ew wissen, das kain vogt unser holden, daruber weilant der Scheck vogt ist gewesen, aufzuervordern in veld gewalt hat, sunder wir oder ein yeder abbt des benanten goczhaus haben gewalt sew aufzuervordern mit andern unsern lewten in veld ze ziechen nach inhalt unsers goczhaus freyhait. Ob aber ander yemant dew benanten unser holden auf ze sein in das veld ervordert oder [sy]^a mit gewalt darczu gedrungen wurden, so geschach uns gewalt und unrecht, als uns bisher von dem Sewsenecker geschehen ist. Geben zu Gott(weig) an mittichen nach Erasmi anno etc. LXIIII. Mert von gottes genaden etc. Adresse: Dem edeln und vessten Jacoben von Spawr.

Source Fulltext: FUCHS, Göttweig II (=FRA II/52, Wien 1901) S. 601-602