Wir Fridreich etc. den erwirdigen ersarnen geistlichen anda^echtigen edeln und vesten lieben getrewen . . unsern prela^eten den officialn techantten den vom adel den von stetten merchkten und urbarlew^etten unsers fu^erstentumbs O^esterreich und allen anndern, so lêut und gu^eettern^a in demselben unserm fu^erstentumbs^a O^esterreich underhalb der Enns haben und darin nicht gesessen sein, etc. Als wir euch nagst der gemain landtstewr halben, so pey dem lanndttag zu Korn-Newnburg nagst gehalden furgenomen ist, geschriben und bevolchen haben die zallung derselben stewr zu dreien ta^egen an lenger verziehen ze tuen nach laut unsers briefs darumb ausganngen, enpfelchen wir euch allen und ewr yedem besunder ernstleich und wellen, ob die bemelt stewr auf solch unser schreiben nicht angeslagen wa^er, das dan ir die prela^etten und vom adel die nach fu^ederleich anslacht und ir die andern, die so zu anslachern geordent seint, dieselben steur anslachen last und die sampringet, damit die zw ieder oberu^eerten zeit nach inhalt der bemelten unser brief an lennger verziehen geraicht und geantwurt und zu unsern und landt und leut notturfften gepraucht mu^eg werden, und darin nicht anders tuet, damit sich nicht gebu^ere ew darumb als die ungehorsamen fu^erzunemen und zu straffen. Daran etc. Geben zu der Newnstat an suntag nach allerheiligentag anno domini etc. LXIIII, unsers kaisertumbs im dreyzehennden jare.

Source Fulltext: FUCHS, Göttweig II (=FRA II/52, Wien 1901) S. 620-621