Edler, besunder lieber her Asm! etc. Auf ewer schreyben uns vormaln und yeczo durch Petern des Franken saligen hausfraw von Stain zwgeschikt haben wir ew unser antwort in geschrifft bey ewrm diener ainem getan und darin wissn lassn, das wir dem¹ von Puchaim des schaden halbn geschribn und in andachtigem vleiss gepeten haben, ew dy genomen pfa^erd, darczw ewrn diener ir genomen gehra^et ganczlich wyder ze geben und dy irer venknu^ess an entgeltnu^ess ledig ze lassen angesehen, das wir noch ir uns kainer feintschaft von im noch den sein nicht versehen haben mu^egen, als ir dann das aus solhm unserem schreyben mit innehalt vernomen habt. Darum bitten wir ew mit besunderem vleiss durch ew ewer frewntschaft und gu^enner vleiss ze haben, das dyselbing ewer diener irer venknuss an entgeltnu^ess ledig gemacht werden und dy sachn von der genomen pfarder und gera^et wegen guetleich besten lassen, das wir uns zw einander fuegen und selbs mit einander bereden oder unser schreyben fuglicher dan yeczo der krieg und unsicher halbm gegen einander verer darumb getun mu^egen. Das etc. Geben zw Gottweig an sand Larenczntag im LXV. jar.

Source Fulltext: FUCHS, Göttweig II (=FRA II/52, Wien 1901) S. 672-673