Wir Larencz von gottes gnaden abbt unnser lieben fraun goczhaus zu Gotweig und wir der convent gemain daselbs bekennen offennlich mit dem brief, das wir unser Stainpewnt¹ zu Furt, der zwelif ieuch an ainem rain sind, auflassen haben den beschaiden hernach geschriben: Jennsel Poltzel ain halbs ieuch, Steffan Poltzel ain halb ieuch, Mert Hertzog ain halb ieuch, Hanns Peckh ain halb ieuch, Steffel Jaudinger ain halb ieuch, Erhart Peckh zway drittail, Michl Fleischackher ain drittail, Michel Mullner ain halb ieuch, Janns Altman ain halb ieuch, Janns Schuster ain halb ieuch, Jorg Lechner ain halb ieuch, Peter Enfel ain halb ieuch, Mert Hertzog ain halb ieuch, Janns Wachtter ain halb ieuch, Steffan Fleischackher ain ieuch, Jorg Kray ain ieuch zu zehen iaren, das sind zehen iar nucz oder zu zehen lesen nacheinander, umb drittail wein, der vor den weingertten maischgweis sol getailt werden mit potigen oder zubern, als des stat wirdet also, das wir unnsern tail vechsen sullen auf unseren aigen wegen. Dann von irem tail sullen si uns den zehnt gebn also, das derselb zehnt vor dem weingartten geschaczt sol werden mit unsern anwaldn und zwain erbern mannen, di umb den perg gesessen sind, wellich si darzu erbitten mugen, und das diselb schaczung dann treulich geschech, damit si uns den zehnt gewislicher an alle widerred ausgerichten mugen ungeverlich. Si sullen uns ierlich di vorgeanntten weingertten vor sannd Jorgentag zugearbait haben mit schnit und haw^een oder was zu der weingartarbait vor sannd Jorgentage zugehort und recht ist ungeverlich. Dann di gru^en arbait, wie di genannt ist, sol gancz und gar zugearbait sein vor sannd Margrethntag und die arbait zu^e waichm wein acht tag vor unser frau^en tag zu der geburde genczlich volbracht werden und sullen furbas in den weingerten nichts mer zu schaffn haben hincz, bis das man lesen wil. Sy sullen auch in denselben weingertten ee nicht lesen, nu^er sy lassen uns das dreÿer tag vor wissen, das wir unser anballd darzu geschickhen mu^egn, und nach dem lesen sullen sy di vorgenantten weingertten vor sannd Merttntag ganncz und gar verczogen haben, doch das alle arbaÿt zu ainer yeden zeÿt gennczlich volbracht werde ungeverlich. Es sol auch ain yeder, der ain halb ieu^ech in den vorgenantten weingerten hat, sechs tagberich darinn grueben also, das yeglicher wesunder sein gru^eeb ierlich in den herbst wol misste, als gewondlich ist. Es sol auch ÿeder sein tayl weingartten zu baÿder seyt alczeit in gutm frid halltten an all unns mu^ee, damit uns im und seinen nachbau^ern icht schad ergee. Geschach aber daru^eber ynndert ain schad, von dem, der nicht zugefridt hiet, der sol das puessen und voraus alle seine recht darumb verlorn haben. Wir sulln in auch albeg an dem andern iar in ain yedes halbs ieuch geben ain halbs tausent steckhen. Di sulln sŷ dann tragen in dy weingertten und darin lassen und nyndert anderswohin bringen. Wir affen auch besunder, wellicher sein tail weingertten in den zehen iaren nicht gepau^en mocht, von welhen sachen das geschach, der sol uns den zu unsern hannden mit allen seinen rechten aufgeben oder aber ainem anderen frummen nachpau^eren an sein stat schickhen, der uns darzu gefellt. Desgeleichen wellicher sein tail weingarten verkauffen wolt, der sol das tu^en mit unnsern hannden willn und wissen auch mit ainem nachpauren, der uns darzu fuglich sey. Demselben sulln wir dann leichn die vorgenanntten weingertten mit allen rechtn, so vor geschribn ist. Und der da kaufft, der sol von ainem halbn ieuch geben zu anlat zwen phenning und der hingeber zu ablat auch zwen phenning an widerred. Si sulln au^ech in dy abgeschriben weingertten nichts pau^een noch phlanczen, es sein pau^em krau^et oder wellicherlay das sey, das den weingarten geschaden mu^eg ungeverlich. Darauf sulln und wellen||
wir all weingarten zum mynsten ainstn im iar beschauen lassen vor dem lesen oder wenn uns das gevellt, mit zwain erbern mannen, dy umb den perg siczent, di wir zu beder seÿt darzu^e gehaben mu^egen und mit unnsern weinzurlen von Furt und von Pau^engartten, dy sullen dann dŷ weingertten nach iren treu^en angever an dem pau^e schetzen. Welher dann nach solher schaczu^eng nicht rechtlich gepau^et war oder annder prechen hiet wider dy pu^ent und artikel, so vor geschriben stenndt, das von den beschauern bey irn treu^en angever bekundt wirdet, desselben weingertten sullen wir uns dann, wŷe wir den dŷe zeÿt ligkund vinden, underbinden und derselb, der in gepau^et hat, sol alle recht daran verloren haben an alle gnad. Auch ist zu^e melden, wann dy zehn iar vergennd und aus sind, das dy nu^ecz gevechsnt sind warden, so sind uns dy vorgenantten weingartten gancz und gar wider ledig warden an allen krieg und widerred ungeverlich. Des zu urku^end geben wir in den brief besigellten mit unserm des abts zuruck aufgedruchten insigel. Gebn nach Cristi geburde MCCCC LXX. jar an phincztag nach unser lieben frau^en tag der liechtmess.

Source Fulltext: FUCHS, Göttweig III (=FRA II/55, Wien 1902) S. 26-28