Dem etc. abbt zum Gottbeig Fridreich von gotts gnaden Romischer kaiser etc. Ersamer geistlicher, lieber anda^echtiger! Als wir dir nagst geschriben und bevolhen haben, die dein auf sannd Philipp und sannd Jacobstag (Mai 1) nagstverganngen zu uns ze schickhen mit uns dem kunig von Beheim entgegen ze ziehen nach laut unnsers briefs darumb auszganngen, desselben ku^enig von Beheim zukhunfft sich aber bisher vertzogen hat, und wann aber derselb ku^enig von Beheim nu^e am zug ist und unnser furstentumb Osterreich beru^ert hat, begern wir an dich mit vleis, emphelhen dir auch ernstlich, das du die dein an vertziehen her zu uns schickhest, mit uns und anndern, die wir desgleichs her ervordert haben, demselben ku^enig von Behaim entgegen ze ziehen und auf ain zeit, ob das die nottdurfft ervordern wirdet, beÿ uns in veld zu beleiben und dich darinnn nichts sawmen noch irren lassest. Daran etc. Geben zu Wienn an erichtag vor gottsleichnamstag anno domini etc. LXXVII, unnsers kaisertumbs im XXVI. jare.

Source Fulltext: FUCHS, Göttweig III (=FRA II/55, Wien 1902) S. 108