Am erichtag nach sannd Larenntzntag anno domini etc. LXXXIII chomen fur dŷ ersamen fu^ersichtign und weisn den burgermaister richter und rat baider stet Khrembs und Stain die namhafften und weisen Wolfganng Slegl, Wolfgang Khandlberger, des rats, Wolfgang Priesterpeckh und Hanns Schurger der genanten und burger zu Khrembs, und haben da gesagt bey den aiden, so sy vormals alls rat und genant burger gesworn habm zu rechter zeit, alls sy zu recht sollten, umb das gescha^efft, so Steffan Plannckh mitburger zu Khrembs gethan, das es mit gutter vernufft und wolbedachtlich beschehen seÿ, und haben dasselb gescha^efft verpetschad und in geschrifft fu^erbracht und laut, wie hernach geschribm stet: vermerkht das gescha^efft, so ich Steffan Plannckh, mitbu^erger zu Khrembs, wolbeda^echtlich und mit gutter vernu^efft gethan hab am montag nach dem heilign phingstag (Mai 19). 

Original dating clause: am erichtag nach sannd Larenntzntag

Language: Deutsch