Ich Barbara, des Wolfganng Pawern im Hof zu Zakhing saligen witib, und Marta, Paul Sneider zu Sannd Pollten hausfrau, und ich Margreth, des Wolfganngen Sneider zu Sannd Pollten witib, und ich Cathrei, alle vier geswistreid, und Mertl und Martl, die ungefogt sein, dafur wir uns annemen, bekennen anhelliklich, dah wir ze losen geben haben alles das gut, so unnser lieber brueder und vetter Steffan Plannkh saliger gedechtnuss zu Hertzogburg gesessen hinde im lassen hat, zu losen haben geben der erbern frawen Agnes, seiner hausfrawen, unnser lieben swa^egrin. Darumb bitten wir ain ieden lehenherrn mit sundirn vleis, well von uns aufnemen und der obgenannten Agnesen leihen. Darumb wellen wir khain gruntherrn in sein gruntpu^ech reden weder vill noch wenig und haben auch der sachen und aufgab zu zewgnuss gepetten den erbern und weisen Jorg Hawser, diezeit richter zu Hertzognburg, und Niklasen Gramer, ainer des rats, aufgedrukten petschaden doch in und iren erben an schaden. Geben am freitag nach Martini im LXXXVI. [jare].^a 

Original dating clause: am freitag nach Martini

Language: Deutsch

Notes: