Occasione omnium et singulorum, qualiter et quomodocumque inter reverendum patrem, dominum Erhardum abbatem monasterii Gottwicensis et suum conventum ex una et quondam venerabilem virum, dominum Petrum Vbera^ekcher partibus ex altera contractorum facta est finalis concordia cum venerabili viro, domino Georgio Huebmer, plebano in Abbstetten, eiusdem domini Petri testamentario tunc in monasterio Gottwicensi vice sua aliorumque suorum in hac parte collegarum personaliter presente ita, quod omnia et singula munimenta seu inscripciones, quas idem dominus Petrus ex monasterio habuit, assignata sunt in manibus monasterii ac dictus reverendus pater earundem inscripcionum occasione obligavit se ad persolvendum quinquaginta libras denariorum usualis monete vitricis ecclesie in Mautarn. Actum in Gottwico feria quinta post Scolastice virginis anno domini etc. LXXXVIIII, presentibus ibidem domino Vincencio plebano in Mautarn, Sigismundo Glatz vitrico, Jeorio Chawm et Martino Ardinger civibus ibidem. 

Original dating clause: feria quinta post Scolastice virginis

Language: Latein