Jorg Hohenbertter, burger zu Crembs, Margareta sein hausfraw, Toman des Haniff zu Kunigstetten saligen tochter, haben aufemphanngen nutz und gwer ain behausts gut zu Talarn gelegen, davon man dint dem gotshaus zum Gottweig Michaelis XX d. und im lesen X urnen most in der maÿnung, welher tail den anndern uberlebt, bei dem lessten leib zu peleiben allen seinen nutz und frumen damit zu petrachten an des andern tail erben und frewndt irrung und hindernusz ungeverlich, als dann von Hannsen Fahenperger, Elsbeten seiner hausfrawen baider nagsten erben mit kauf an sew baide chomen ist. Actum zum Gottweig erichtag die Fabiani et Sebastiani LXXXVIIII in presentia Lienhart Mulpacher. 

Original dating clause: erichtag die Fabiani et Sebastiani

Language: Deutsch