Reverende pater, domine colendissime! etc. Scripsi superioribus diebus cum quodam religioso, qui scedulam super ja^egersuppen et quoddam registrum etcetera cum r. p. vestre missivis consignaverat, ut paternitas v. r. speciale ad causam contra episcopos Patavienses, quorum alter de medio sublatus est, ad me ordinaret mandatum, quoniam constitucio in Urbe per paternitatem v. r. et dominum Andream priorem respiciat causam vestre r. p. et conventus satis generaliter etc. Cum sit multum antiqua, timeam ipsam non admitti. Illud mandatum hodie expecto. Interim in causa nil processum est, invigilabo, quid electus Pataviensis^l attemptaturus sit, qui personaliter iturus pro confirmacione in Urbem dicitur. Hactenus factores Fugkarorum nullam de centum florenis Renensibus apud Froschelmoser Saltzeburge, ut vestra p. r. novissime dedit intelligere, litteris depositis in cambium avisacionem habuerunt. Curabit paternitas v. r., ne perditum eant. Hec quamvis superioribus ad longum descripserim litteris, ita quidem in presentibus ea repetere non fuisset necessarium. Noluit tamen presenciarum exhibitor absque meis litteris se conspectui paternitatis v. r. presentare, quibus saltem eius diligencias agnoscere liceret. Pauci peregrini Urbem pro consequenda anni iubilei gracia ingrediuntur et hii, qui veniunt, fere omnes ex hereditariis terris regie maiestatis existunt. Quos labores eosdem peregrinos subire in Urbe oporteat quosve casus summus pontifex sibi reservaverit, ex copiis bullarum v. r. accipiet paternitas, cui me ad vota unice commendo. Ex Urbe die XV. februarii anno etc. V^C. Eximie r. p. deditissimus inservitor Rupertus Spiegl.

Source Fulltext: FUCHS, Göttweig III (=FRA II/55, Wien 1902) S. 376-377