Dum suboriri soleat multa de gestis hominum calumpnia, nisi scripto uel proborum uirorum testimonio approbetur. Nos Chvnradus dei gratia comes de Play singulis et uniuersis presentibus et futuris innotescimus per presentes, quod nos de consensu filiorum nostrorum Ottonis et Chvnradi comitum, perchrecht quod habuimus in Pulka in uineis, uidelicet que dicitur peunt, que soluit LXX denarios, Hagcow maiori XL. denarios, de Owia L denarios, et de Tulner III denarios. In Marquartstorf de uinea que dicitur Owia XL denarios, de Lonwitzer XXX, et de Teuzer XXX denarios, ob remissionem nostrorum peccaminum animeque nostre remedium ecclesie in Jerwis relaxauimus et donauimus pleno iure. Ne uero prescripta donacio ab aliquibus in posterum infringatur aut in irritum ducatur, in euidens testimonium et ecclesie prefate cautelam, presentem cartam sigillo nostro uoluimus roborari et testibus annotari. Testes sunt Dominus Thymo plebanus in Hardech. Wernhardus de Huselin. Heinricus de Autendorf. Peregrinus de Waeitringen. Henricus Cycada. Heinricus de Hall et Livtwinus de Vriunspurch milites. Hilbrandus tunc officialis. Wernhardus de Eilsarn. Albero dictus de Vræhen² ciuis, et alii quamplures. Acta anno gracie M. CC. XL. nono prid. Kal. Decemb. in die beati Andree. Datum in Hardech.

Source Fulltext: MAYER, Geras (= AÖG 2, 1849) S. 21, Nr. 7