Nos Johannes dei gracia Olumucensis episcopus. Tenore presencium publice protestamur et ad noticiam deuenire cupimus singulorum, quod honorabilis et discretus vir Dominus.... abbas monasterii de Jaruss ordinis premonstratensis patauiensis dyocesis diuersas litteras non cancellatas, non abrasas, non abolitas, non in aliqua sui parte viciatas, cum ueris et integris sigillis nobis exhibere curauerit, quibus per (?) litteris ex ipsarum tenore colligimus aperte, quod nobilis vir dominus quondam Smylo de Belcowe, dominus et heres in Ranzirow, de assensu et uoluntate quondam Marquardi et aliorum fratrum et filiorum suorum ius patronatus, quod sibi et heredibus suis in ipsa ecclesia de Ranocyrow competebat, venerabili monasterio de Jaruss liberaliter contulit pro ipsius et progenitorum suorum remedio animarum. Quod siquidem ius patronatus venerabilis pater dominus Bruno Olumucensis episcopus predecessor noster suis litteris ex eius officio approbauit. Et quod demum ad iam dictum monasterium ipsum ius patronatus pertinuerit pleno iure, in litteris eiusdem domini Brunonis predecessoris nostri, tunc eciam nobis exhibitis, expresse uidimus contineri, quod ipse predecessor noster ab honorabilibus viris abbatibus eiusdem monasterii plebanos sibi legitime presentatos auctoritate ordinaria confirmauit. In cuius protestacionis nostre testimonium presentes litteras fieri et sigilli nostri munimine fecimus communiri. Datum in Pustimir anno Domini Millesimo Tercentesimo tercio XVI. Kalend. Septembris Indictionis prime.

Source Fulltext: MAYER, Geras (= AÖG 2, 1849) S. 43-44, Nr. 30