In nomine sancte et indiuidue trinitatis. Fridericus dei gratia dux Austrie omnibus christi fidelibus in perpetuum. Pie intentionis intuitu et pro salute anime sue pater noster dux Livpoldus claustro sancte crucis duas uillas, Sulze uidelicet et poumgarten contulit, tali conditione, ut fratribus eiusdem claustri duobus in septimana seruiretur diebus in uino et pane quantitate ac qualitate meliori, quam sit cottidianus panis eorum, et caseis bonis, qui dicuntur Swaichæse et in piscibus quatuor sollempnitatibus beate Marie, et in anniuersario suo, et oleo per totum aduentum, insuper, ut dentur ad portam pauperibus trecenti panes, similiter reliquie, que bis duobus diebus fratribus supererint. Nos autem, quia idem claustrum eadem beniuolentia quam et pater noster amplectimur et fouere, ac redditibus ampliare intendimus, predictam patris nostri donationem approbamus et stabilimus, et ut in perpetuum tam a contemporaneis nostris, quam a posteris inuiolata permaneat, presenti pagina sigillique nostri impressione et testium subscriptione, quorum nomina sunt hec, confirmare fecimus. Wichardus dapifer, Růdolfus Stubech, V^olricus de Chunegesprunnen, Meingotus camerarius, V^olricus notarius, Vlricus plebanus de Zwetel, Chůnradus capellanus. Datum est anno ab incarnatione domini M.^o C.^o LXXXX.^o VI.^o Nono kalendas maii, in eadem domo Sancte Crucis, per manus V^olrici notarii.

Source Fulltext: WEIS, Heiligenkreuz (=FRA II/11, 1856) S. 28-29