In nomine sancte et indiuidue trinitatis. Wolfkerus dei gratia Patauiensis episcopus uniuersis christi fidelibus perpetuum salutem in eo, qui est salus omnium. Cum ex debito pastoralis officii uotis omnium christi fidelium assensum prebere, et piam ipsorum deuotionem promouere teneamur, maxime tamen in religione constitutis deique seruicio iugiter insudantibus debitores nos esse, recognoscimus, et ne uetustatis uel obliuionis errore beneficia in christi milites collata contingat aboleri uel inique permutari, scriptorum commendatione procurandum existimamus. Innotescat ergo memoriter cunctis christi fidelibus, quod nos una cum amico nostro pie recordationis Livpoldo duce Austrie ac Stirie concambii iure communicato sapientum consilio conuenimus, ut, quicquid ipsum iuris habere constaret in Svabedorph et vischamunde, nec non et in Nivesiddele, tum pro reuerentia beati Stephani prothomartiris patroni patauiensis ecclesie, nec non et sanctorum Valentini et Maximiliani confessorum, quorum corpora ibidem requiescunt, tum pro nostri dilectione, qua nos semper specialiter complexus est, ad nos et patauiensem ecclesiam de cetero pertineret, nosque uersa uice ecclesiam uille, que dicitur inferior Sulze, quam nos et patauiensis ecclesia donatione Sigehardi et Heinrici comitum de Schala cum omnibus pertinentiis et iure patronatus canonice possederamus, potestati ducis prefati pari iure contulimus. Contigit autem, ut predictus deo deuotus ille dux eandem ecclesiam cum ipsa uilla, quam et ipse a memoratis comitibus hereditatis iure susceperat, monasterio et fratribus in sancta cruce pro salute ac remedio anime sue ac parentum suorum pro supplendis eorumdem fratrum stipendiis libera deuotione conferret. Nos quoque ipsis fratribus pro parte nostra condescendentes perenni iure ipsis concessimus, ut, quemcumque sacerdotem ipsi in eadem ecclesia instituere decreuerint, stipendiis ab eis conuenienter sibi designatis contentus permaneat, ita tamen, ut nobis uel successoribus nostris presentandus per manum nostram pro debito inuestiatur; ipsis autem fratribus, si prelibatum sacerdotem uiderint iniunctum sibi ministerium indebite administrantem et ipsis temere obuiantem, liceat eum coram nobis uel archidiacono probatis eius insolentiis auctoritate nostra permutare et alium in locum eius lege prescripta subrogare. Vt autem iam dicti contractus et concambii hinc inde facta donatio perpetuo iure rata conseruetur, presentem paginam subscriptis testibus et impressione sigilli nostri corroboramus, et, ne quis temere presumat, eam uiolare, sub anathematis uinculo districte denunciamus. Hii sunt testes. De choro patauiensi: Mengozus prepositus monasteriensis, Hartnidus prepositus Matticensis, Ortholfus prepositus in Ardacker, Vlricus scriba, Kalogus. Laici quoque dux Heinricus, Crafto de Amzinspach. Nostri preterea ministeriales scilicet Richerus de wesen, Heinricus de Lonstorf, Manegoldus de Schonenbůhel, Manegoldus de Aheim, Walcvn de herde, Otto de Walde. Ducis etiam ministeriales videlicet Hademarus de kv^onringen, Wichardus de Sevelth, Wichardus de Zebingen, Herandus de Wildonia, Hartnidus de Orthe, Lodewicus de Tribanswinchele, Gerungus de paden, Vlricus de Stoiz senior, Rapoto de Schonenberch et alii multi. Datum in chotwico anno ab incarnatione dominica M.°CC.°III.° Indictione VI.^a VIII° kalendas Jvlii.

Source Fulltext: WEIS, Heiligenkreuz (=FRA II/11, 1856) S. 33-34