Charter AT-StiAH|HeiligenkreuzOCist|1280_IV_04

Ego Albero filius Thuringi de Smida scire volo presencium quoslibet inspectores, quod mansum vnum in Wetzelndorf situm sub forma proprietatis michi attinentem soluentem annis singulis vnum modium tritici, vnum modium avene, et sex solidos denariorum viris religiosis domino Hainrico venerabili abbati sancte crucis et fratribus ibidem deo in perpetuum seruientibus publica vendicione pro viginti et septem talentis denariorum wiennensis monete venundedi sub eterno proprietatis titulo possidendum, concurrentibus in id ipsum voto et assensu dilecte consortis mee Gerdrudis, nec non consanquineorum meorum Spanonis, Růdolfi et sororis eorumdem Chvnegundis, qui predictum mansum ad se tamquam propinquos deuolui debere, si sine heredibus decederem, asserebant, sed presentibus domino Alberto Fevselino, nec non et me aliisque multis coram abbate sancte crucis iam dicto assercionis huiusmodi iuri bono animo renunciarunt totaliter viua voce. Presencium itaque veritate sepedictis abbati et fratribus in hac actione defensionem ad publici iuris formam me polliceor prestiturum, sub huiusmodi defensionis sponsione obligans eis per manus predicte vxoris mee duos mansus, vnum in Grœuenwerde, alterum vero in superiori Sultz situm, soluentes singulos vnum talentum denariorum, quos cum suis tenebunt usibus, donec omnis controuersie molestia, que forte quocumque modo suborta fuerit, per me modo debito conpescatur. Vt autem hec actio vtrimque rationabiliter completa robur habeat perpetuum, presentem litteram conscribi et sigillis dominorum Ottonis de Haslowe et Johannis de Merswanch pecii roborari cum testibus subnotatis, qui sunt, Otto de Haslowe, Vlricus, Marquardus, Chunradus fratres de Pilihdorf, Otto de Perhtolstorf, Stephanus de Meissowe et Levtwinus de Werde, Johannes de Merschwanch, Albertus Fev^oselo miles, Wernhardus de Goltgebn, Levpoldus Saccus, Jacobus filius ipsius, Ditricus de Wolfpaizzinge‚ Wolfgerus de Cysteinsdorf, Spano et Rvdolfus fratres, et alii quam plures. Actum anno domini M.°CC.°LXXX.° in die beati Ambrosii confessoris.

Source Fulltext: WEIS, Heiligenkreuz (=FRA II/11, 1856) S. 223-224

Diplomatic Analysis

Original dating clause: in die beati Ambrosii confessoris

Language: Latein

Index

Places

Goldgeben (GB ST)
Grafenwörth (GB TU)
Haslau (GB BL)
Maissau (GB HL)
Mörschwang (GB OB)
Obersulz (GB ZD)
Perchtoldsdorf (GB MD)
Pillichsdorf (GB MI)
Schmida (GB ST)
Wetzleinsdorf (GB KO)
Wolfpassing (GB ST)
Zistersdorf (GB ZD)
Zisterzienserstift Heiligenkreuz

Persons

Albero (von Schmida), Sohn des Thuringus von Schmida (Aussteller)
Dietrich von Wolfpassing (Zeuge)
Gertrud (von Schmida), Ehefrau Alberos von Schmida
Heinrich III. Schinweis, Abt in Heiligenkreuz (1262-1284)
Jakob, Sohn Leopolds von Saccus (Zeuge)
Johann von Mörschwang (Siegler, Zeuge)
Konrad (von Pillichsdorf), Bruder Ulrichs und Markwards von Pillichsdorf (Zeuge)
Kunigunde, Schwester von Spanon und Rudolf und Verwandte von Albero von Schmida
Leopold Saccus (Zeuge)
Leutwin von Werd (Zeuge)
Markward, Bruder von Ulrich und Konrad von Pillichsdorf; Zeuge
Otto von Haslau (Siegler, Zeuge)
Otto von Perchtoldsdorf (Zeuge)
Ritter Albert Feuselo (Zeuge)
Rudolf, Bruder von Spanon und Kunigunde und Verwandter von Albero von Schmida
Spanon, Bruder von Rudolf und Kunigunde und Verwandter Alberts von Schmida
Stephan von Maissau (Zeuge)
Ulrich (von Pillichsdorf), Bruder Markwards und Konrads von Pillichsdorf (Zeuge)
Wernhard von Goldgeben (Zeuge)
Wolfgerus von Zistersdorf (Zeuge)

A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.