Quoniam ea, que geruntur in tempore, temporalium vicissitudinum uaria permutacione in obliuionem plerumque transeunt, plurimum confert, si scriptorum testiumque roborata munimine posterorum memorie comendentur. Ego itaque Marquardus de Gereutte scire volo presencium quoslibet inspectores, quod ex assensu dilecte coniugis mee Reichze, nec non omnium liberorum meorum Vlrici, Marquardi*), Metildis, Reihtze, Agnetis, Gertrudis aream unam ante portam ciuitatis Niwenburge sitam, quam ego puro iuste proprietatis titulo possidebam, et de qua michi abbas et conuentus monasterii sancte crucis annuo censu iuris ciuilis nomine XLV. denarios et duos pullos exsolvebant, eisdem fratribus pro tribus talentis denariorum wiennensium libera vendicione uenumdedi tali condicionis articulo interiecto, ut ipsa area cum omni eo iure, quo a me tenebatur, sub eterna proprietatis forma in possessionem predicti monasterii perpetuo deuoluatur. Et quia precium uendicionis acte percepisse me profiteor, cunctis ex hinc exactionibus et iuribus, ut sunt iudicium, steure, pernoctaciones seu alia huiusmodi, quibuscumque censeantur uocabulis, veritate presencium tam ego quam mei omnes, ad quos pridem illa respiciebat possessio, abrenunciamus spondentes, nos iuxta comunem terre formam de predicta area cum vniuersis iuribus ad ipsam spectantibus pretacto monasterio certam defensionem rite ac fideliter prestituros. Vt autem actum hoc inconcussum permaneat, presentes litteras sigillo domini Pabonis venerabilis prepositi Niwenburgensis, nec non meo tanquam gemina firmitate roboraui testibus doneis nichillominus subnotatis, quorum nomina sunt hec. Otto de Praunsberch, Paulus canonici Niwenburgenses, frater Heinricus de Spanneberch, Ditricus de Chalenberge et Chunradus frater suus, Vlricus ante ecclesiam, Wernhardus Schiuer et Vlricus frater suus, Perhtunch Scherfinch, Růdwinus socer eiusdem, Waltherus super gradum, Hertnidus hofmaister, Hermanus. Acta sunt hec anno domini M.°CC.°LXXX.° XVI.° kalendas Septembris.

Source Fulltext: WEIS, Heiligenkreuz (=FRA II/11, 1856) S. 225-226