Cum spes hominis in manu eius sit, qui condidit uniuersa, facta mortalium scripto necesse est diligentius exarari. Ego igitur Wulfingus de Arnstain in mortis articulo constitutus una cum dilecta coniuge mea Gertrude sani corporis existente ob remedium animarum nostrarum mansum uniim situm in uilla Gunhartstorf uocata decem solidos censu annuo in festo beati Michahelis soluentem et ad predictam coniugem meam G. sub titulo iuste proprietatis libere pertinentern pie deuotionis instinctu ac uoto monasterio sancte crucis ac fratribus ibidem deo seruientibus in perpetuum contulimus possidendum sub ea pure proprietatis forma, qua nos eum possedimus pleno iure, tocius proprietatis sev dominii nos reddentes deinceps alienos, que ab olim exactionibus obsequiorum quorumlibet de ipso manso ratione proprietatis expetere uidebamur. In cuius rei euidentiam presentem litteram dedimus sigilli mei Wulfingi robore communitam. Testes vero sunt, Otto plebanus de Gerungs, Hadmarus de Arnstain, Chunradus de Zaekking, Rapoto de Imceinstorf, Otto de Wildekk, Siboto de Arnstain, Albertus de Lahsendorf, Weichardus de Triwanswinchel, et alii plures. Actum anno domini M.°CC.°LXXXV.° in die beatorum martirum Johannis et Pauli.

Source Fulltext: WEIS, Heiligenkreuz (=FRA II/11, 1856) S. 243-244