Ich Leupolt Rinderschinch vergieh offenleich an disem prief, daz ich mit meins Pruder rad vnd guns Wolfhers vnd andrer meiner freund . . . . . . auz gewechselt han anderthalb lehe di gelegen sint ze Prelnchirichen oben in dem dorfe, meins rechten aigens . . . . den Erbern Herren apt Jacoben vnd dem Conuent datz dem heiligen Chreutz vm irs aigens anderhalb lehen, di do stozzent an mein hauz ze Prellenchirichen. Vnd daz diser wechsel stet vnd Ebich vnd vnzprochen peleib, dar vber gib ich dem vorgenanten apt Jacoben vnd seinem Conuent disen prief, versigelten mit meinem insigel vnd mit meines pruders Wolfhers insygel zue einem offen gezeug. Der prief ist gegeben nach Christes purd vber drevtzehenhundert iar, dar nach in dem Nevn vnd tzwaintzigen iar an vnserr vrowen tag ze der schidung.

Source Fulltext: WEIS, Heiligenkreuz (=FRA II/16, 1859) S. 125