Frater Jacobus abbas Morimundi in Lingonensi diocesi auetoritate plenaria reverendissimi domini nostri et Capituli Generalis Cisterciensis Ordinis visitator et reformator omnium et singulorum monasteriorum in tota natione germanica consistentium venerabili et in Christo nobis praecarissimo domino Michaeli coabbati nostro monasterii de Sancta Cruce in Austria salutem et sincerse charitatis affectum. Scientes humanas vitae decursum omni semper hora ad casum in mortem proclivem, scientes insuper, quod monasteria pastoribus viduata in gravibus commendarum discriminibus, aliisque multiplicibus periculis constituuntur, pro singulari amore, quem erga vos et monasterium vestrum de Sancta Cruce nobis immediate subjectum singulariter afficimur, proque paterna sollicitudine, quam eidem monasterio secundum Ordinis nostri instituta debemus, ad instantiam vestram auctoritate paterna ac totius Ordinis nostri brevi tenore praesentium indulgemus, ut cum deo volente ac vocante monasterium vestrum proprio pastore orbari contigerit, non obstante absentia nostra vocatis nonnullis Ordinis nostri abbatibus ad novi pastoris electionem canonicam in nomine domini procedant et ad perfectum usque deducant, nostris tarnen ac monasterii nostri juribus per omnia salvis. Et cum singulis annis vos vestrumque monasterium, ut vellemus, visitare non possimus, vobis permittimus, ac annuimus, quatenus quotiescunque vobis expeditius videbitur, possitis vocare unum abbatem vel plures vobis non subjectos, qui vos et monasterium vestrum visitare valeant ac omnia facere circa monasterii vestri reformationem, quae nos nostra paterna auctoritate facere possemus et deberemus, si praesentes essemus. Insuper etiam per praesentes vobis conferimus potestatem absolvendi per vos vel per deputandos confessores omnes et singulas personas regulares utriusque sexus vobis ac monasterio vestro subjectas ab omnibus casibus et sententiis Generali Capitulo specialiter reservatis et cum ipsis dispensandi super irregularitatibus si quas occasione praemissorum contraxerint indigne se immiscendo divinis necnon ipsas rehabilitandi, si indiguerint. Hoc idem pro persona vestra indulgentes damus etiam vobis facultatem praemissa exercendi in monasteriis vobis immediati subjectis pro semel, cum vos eadem monasteria visitare contigerit. Porro insuper intuitu considerationis praevidentes pericula, quae saepenumero in abbatum electionibus contingere non (!) possent et his pro viribus remedium apponere cupientes vobis in generatione vestra pro electionibus praesidentibus damus potestatem, omnes et singulas Ordinis personas monasteriorum dictae generationis vestrae absolvendi et rehabilitandi ad eligendum et electionis beneficium obtinendum active et passive. Et ne studentes Ordinis nostri, qui pro tempore erunt, occasionem habeant, longius evagandi eandem super eos quam super vestros concedimus facultatem praesentibus usque ad quinquennium in suo vigore dumtaxat duraturis. Vestris etiam vestrique monasterii gravissimis damnis compatientes et ab expensis supportare volentes auctoritate praemissa per continuum sequens triennium vos a via Generalis Capituli, ad quam ex statutis Ordinis nostri singulis annis estis astricti benigne supportamus, statutis et diffinitionibus nostri Ordinis praedictis ceterisque in contrarium facientibus non obstantibus quibuscunque, nisi tamen pro speciali aliqua causa necessaria patres Ordinis ad idem Capitulum vos duxerint personaliter vocandum (!). Datum Wiennse die VIII mensis Junii||
sub appensione sigilli nostri anno domini millesimo, quadringentesimo nonagesimo sexto.

Source Fulltext: Zisterzienser-Chronik 12 (1900) S. 28-29