Nos lohannes divina miseracione Archiepiscopus Capadocie, notum facimus uniuersis presentem paginam inspecturis, quod liberati a captiuitate babilonice seruitutis pro cuius liberacione votum emisimus, beatorum Apostolorum Petri et Pauli et sancti lacobi limina visitare. Dum nos per Austriam partem Allamanie transire contingeret inclinati precibus dilecti in Christo fratris Ortolfi venerabilis prepositi Ecclesie sancti Georii in Herzogenburch patauiensis Dyocesis per singulos dies Dominicos ac Festiuitates Domini nec non beate Virginis et die dedicacionis Ecclesie et altarium et uniuersaliter omnibus diebus celebribus conveniente populo ad ecclesiam missarum et predicacionis causa, XI dies criminalium et Annum venialium de iniuncta sibi penitentia vere contritis et confessis accedente tum taxat consensu episcopi diocesani, auctoritate omnipotentis Dei misericorditer relaxamus. Quam videlicet relaxationem peccaminum, tam ad chorum quam ad capellas per ipsius chori canonicos inofficiandas scilicet capellam sancti Thome, capellam in Reudenik, capellam in Nuzdorf, capellam in Rotelosdorf, capellam in Stetendorf extendimus graciose. In cuius rei memoriam presentem litteram nostro Sigillo fecimus communiri. Datum in sancto ypolito Anno Domini °. CC°. LXXXIIII°. II. Idus Septembris.

Source Fulltext: FAIGL, Herzogenburg (Wien 1886) S. 11