Wir drey brveder von Hohenberch. Chalhach. Stephan. Ditmar. tvn allen levten chvnt, daz wir di aigenschaft, di wir heten, an dem gvet datz Oberndorf pei Herzzogenburch, daz der brobst Wolfker vnd sein samenvnge von Hertzzogenburch, gechavfft habent von Pittrolfen der daz selbe gvet von vns ze lechen het, haben gegeben dem gveten sant Jorgen vnd seinem havs datz Herzzogenbvrch ze rechtem aigen, als wir iz lange von vnsern vordern haben gehabt, vnd ist daz geschechen mit vnserr zwayr swester, der Pillichdorferin vnd der Payerin vnd vnsers brveder Dietreichs gvetlichem willen vnd schuln inz schermen ze rechtem aigen nach des landes recht. Daz dev red stet beleib, geb wir in disen brief mit vnsern insigeln bestetten. Des sint gezeug her Friderich der Chamerer von Lengenbach, her Chunrat vnd sein sun her Chunrat di Svmerawer, her Chunrat vnd her Seybot di Arnsteyner, her Fridreich der Retelnperger, her Hainreich vnd her Chunrat di Reicholsperger, her Alber vnd Chunrat von Geozzensdorf (sic), Seifrit der Lochler, Herbort von Wielantstal, vnd ander vrvm leut. Daz ist geschechen nach Christes gebvrt Tausent iar, zway hvndert iar, in dem drey vnd Nevnzkisten iar. Datz Hertzzogenbvrch an sant Cholmans tag. An sant Cholmans tag. An sant Cholmans tag.

Source Fulltext: FAIGL, Herzogenburg (Wien 1886) S. 19