Ich Hainreich von Atzenprvkk, hich vnd tun chunt allen levten, di disen brief sechnt, oder horent lesen, daz ich daz gvet, daz mein veter her ortlieb weiln dem gotshavs datz Hertzogenbvrch ein lechen zeveld, achher vnd wismad, do man sechs Schilling alli iar von dienet, het ze selgeret ge-schaffet, daz ich daz selb gvet, aigen vnd auch pvrchrecht, dem vor genanten gotshavs mit meiner havsvrovn vrovn Methilt vnd aller meiner erben gvetem willen, ledichleich han geantwurtet an alle vuerzicht, vnd will avch des selben gvetes scherm vnd gewer sein nach des landes recht, des gotshavses von Hertzogenbvrch vnd wil des gvetes avch dvrch got vnd meiner vodern sel an allen nvtz vnd vmbedienst voyt sein, vnd daz dev red also stet vnd vnverchert beleib, gib ich disen brief dem vor genanten gotshavs versigelten vnd bestetten mit meinem Insigel. Des sint gezevg Her Fridereich vnd Gvndachher von Retelnperg, Her Seifrit Lochler, Her Herbort von wielantstal, Fridreich von Atzenpruk, Sighart von Gumpolting, Paldwein von Grveb, Reicher von Aychh, Otto Grveber von Michhelndorf, vnd ander vrvm levt, den daz chvnt vnd gewizzen ist. Daz ist geschechn nach Christes gebvrt Tausent lar, in dem drey vnd hvnderistn lar datz Hertzogenbvrch an vnser vrowen tag in der vasten.

Source Fulltext: FAIGL, Herzogenburg (Wien 1886) S. 22-23