Ich Jans von Roerrenpach vnd Ich Elzpet sein Hawsfraw vnd all vnser erben wir vergehen vnd tun chunt Offenlich mit dem prief . . . daz wir recht vnd redleich verchauft haben . . . dem erberm geistlichem hern Probst Iacoben ze hertzogenburch vnd den geistlich herrn den Chorherrn daselbs in ir Oblay dreyzig Jewch achkers vnd sint genant dy Rewt Iewch gelegen in Noppendorfer veld vnd in fuchkinger veld dauon man jerlich dient an ain sechczyg meczen waiz vnd an zwen ain halbz phunt wienner phenig. dan ain hofstat die gelegen ist ze wenigen Rust daz allez freyz aygen ist dauon man auch jerlich dient an zwen drey schilling wienner phenig. da zu den zeiten Chuncz der peystochkel auf gesezzen ist vnd den vorgenanten dienst den schol man Raichen auf sand Michels Tag dy lewt dy hernach geschriben stet von ersten dient Lewbel von Abstorf von ainem Jewch zwen meczen waiz vnd vier phenig. darnach Nikglas der Mo^erll von Noppendorf dient von zwain Jewchen vier meczen waicz acht phenig. Lencz von Noppendorf von fu^enfthalben Jewchen Newn meczen waicz achczehen phenig. der Chalsund von ainem Jewch zwen meczen waicz vier phenig. vlreich der gesu^echla^er von haushaim von ainem Jewch zwen meczen waicz vier phenig. Jans schalich von ainem Jewch zwen meczen waicz vier phenig Andre haniff von ainem halben Jewch ain meczen waiz zwen phenig. der po^erling von ainem Jewch zwen meczen waiz vier phenig Chunrat Mair von ainem halben Jewch ain meczen waicz zwen phenig Georig hafner von zwain Jewchen vier meczen waicz acht phenig. Michel mu^elna^er von Noppendorf von ainem Jewch zwen meczen waicz vier phenig. Chunrat am art von ainem Jewch zwen meczen waicz vier phenig. Jans schaiter von ainem Jewch zwen meczen waicz vier phenig. Gilig Ruster von zwain Jewchen vier meczen waicz acht phenig. Chunrat von fuchking von ainem Jewch zwen meczen waicz vier phenig. Peter Cho^echel von ainem Jewch zwen meczen waicz vier phenig. der vorgenante Jans schalich von anderthalben Jewchen drey meczen waicz sechs phenig. vlreich pehaimer von ainem Jewch zwen meczen waicz vier phenig. Rudel peystok von ainem Jewch zwen meczen waicz vier phenig. Pertel von Rust von ainem Jewch zwen meczen waicz vier phenig. der Mair von Rust von ainem Jewch zwen meczen waicz vier phenig. Andre fleischachker da selbz von ainem Jewch zwenn meczen waicz vier phenig also hab wir dy vorgenanten gu^eter vnd gult verchauft . . . den obgenanten geistlich herrn von hertzogenburch . . . vmb Sechzig phunt gu^eter wienner phenig . . . wir sein auch Ich egenanter Jans von Ro^errenpach vnd Elzpet mein hawsfraw vnd all vnser eriben der egenanten gu^eter vnd gu^elt der obgenanten geistlichen herrn ze herczogenburch ir recht scherm vnd gewer. . . . Dar vber gib Ich vorgenanter Jans von Ro^errenpach fu^er mich vnd Elzpeten mein hawsfrawn vnd fu^er all vnser erben den obgenanten geistlichen herrn den gegenwu^ertigen prief zu ainem warem sichtigem vrchund der sach versigelten mit meinem aygem anhangundem Insigell vnd der sach sint zewgen dy erbern lewt mein Swa^eger Michel Tyeminger heinreich Cherspechk vlreich Chater mit iren aygen anhangunden Insigell dar vmb wir si all fleizzig an geuer gepeten haben. Der prief ist geben ze herczogenburch Nach Christi gepurt drewczehen hundert Iar dar nach in dem fu^enf vnd achczigistem Iar des Eritags nach Letare ze mitenfasten.

Source Fulltext: FAIGL, Herzogenburg (Wien 1886) S. 313-315