ICH Jorig Grabmer zu Slikendorff Bekenn fur mich vnd all mein erben Vnd tun kund mit dem offen brief Allden den er furchumbt Als ain bericht zwischen mein vnd meiner erben ains tails vnd zwischen Thaman dem veirtager anstat sein selbs vnd seiner geswistreid dafür er sich angenomen hat des andern tails von ains halben zehents wegen in Tuenawer veld gelegen beschehen vnd nach lautt zwair Spruchbrief darumben ausgegangen beslossen vnd mir vorgenanten Grabner vnd meinen erben derselb zehent aller zugesprochen vnd der Erwirdig geistleich herr her Johanns Brobst zu Herczogburgk sein Capitel vnd all ir nachkomen des Gotzhaus daselbs zu Herczogenburgk mit irem gegentail des zehents daselbs in Tuenawer veld in demselben meinem Spruchbrief so zwischen mein meiner erben vnd des vorgenanten veirtager vnd seiner geswistreid von des halben zehents wegen daselbs in Tuenawer veld ausgegangen etwas vnpilleich in demselben spruchbrieff vbergriffen vnd darin berurt ist vnd dem vorgenanten Brobst Johannsen seinem Capitel vnd iren Nachkomen vnd dem Gotzhaus daselbs kunftigcleich zu schaden an irm benanten halben tail des zehents daselbs in Tuenawer veld komen mo^echt nach dew mir vnd mein erben derselb zehent in Tuenawer veld aller in der vorberurten bericht vnd Spruchbriefen ist zugesprochen vnd wir vorgenant Grabner vnd Veirtager doch nur von des halben zehents wegen in zwitrecht gestanden vnd darumb entschaiden sein vnd darumb das der vorgemelt Spruchbrief der zwischen mein vorgenanten Jorign Grabner vnd meiner erben Auch des offtgenanten veirtager vnd seiner geswistreid von des halben zehents ausgegangen nicht verkert werdt Auch dem vorgenanten Brobst lohannsen seinem Capitel vnd iren Nachkomen an Irn halben tail zehent in Tuenawer veld dhainen schaden bring Also gelob ich vorgenanter Grabner für mich vnd all mein erben mit kraft des gegenburttigen briefs das ich den offt genanten herrn lohannsen Brobst zu Herczogburgk sein Capitel vnd all ir nachkomen des Gotzhaus daselbs an dem vor genanten halben tail zehents in Tuenawer veld dhain Irrung noch ingriff tuen sulln Sunder Sy oder Ir Anwelt den mit rue heben vnd an ir gewarsam fuern lassen wellen vnd der vorgemelt Spruchbrief so zwischen mein des egenanten veirtager vnd seiner geswistreid ausgegangen ist sol gen dem bemelten Brobst Johannsen seinem Capitel vnd allen iren nachkomen von des egemelten halben zehents wegen dhain kraft haben Sunder gen in ab tod vnd vernichte sein Doch mir egenanten Jorign Grabner vnd mein erben vnen golten vnd an schaden gegen den benanten veirtagern vnd irn erben vnd an dem halben tail zehentz den ich hab in Tuenawer veld mit sambt den purckrecht ekchern darauf ich ganczen zehent daselbs hab der bei sechs Jeuchn ist dew mir purkrecht in mein hof zu Slikendorff dient vnd des zu ainem warn vrkund gib ich obgenanter Iorig Grabner für mich vnd all mein erben dem egemelten herrn lohannsen Brobst zu Herczogburgk vnd seinem Capitel vnd allen iren nachkomen des Gotzhaus daselbs den brief besigelten mit meinem anhangunden Insigel Der sach ist auch geczeug mit seinem anhangunden in Sigel mein lieber Swager Jorig der Kelberharder phleger zu Spicz den ich darumb mit fleis gepetn hab doch Im vnd seinen erben an schaden. Geben zu Spicz an Samtztag vor sand Margrethen tag do man zalt von cristi gepurd vierczehenhundert iar vnd Im Sibenvndvierczigisten Iare.

Source Fulltext: FAIGL, Herzogenburg (Wien 1886) S. 471-473