Venerabili viro et in Cristo sibi peramando Domino Johanni Preposito Dominorum Canonicorum regularium in hirtzenburga alnsque suis fratribus canonicis ibidem degentibus Pathauiensis dyocesis frater Petrus Wellen Prior prouincialis prouincie theutonice ordinis predicatorum Salutem et spiritualium affluenciam gaudiorum Vestre deuocionis affectus quem ad nostrum geritis ordinem exigencia digna requirit Beneficia nostro collata ordini et copiosa clemencia redemptoris vobis graciosius impertiri Qua propter vobis Omnium missarum Oracionum Predicacionum Ieiunorum vigiliarum Abstinenciarum laborum Ceterorumque bonorum que per fratres et sorores nostri ordinis in dicta prouincia dominus noster lesus Christus fieri dederit vniuersos. Participacionem concedo tenore presencium specialem in vita pariter et in morte ut multiplici suffragiorum presidio et hic augmentum gracie et in futuro mereamini eterne vite premia possidere Volo insuper vt anime vestre post decessus vestros fratrum nostre prouincie in nostro prouinciali capitulo recommendentur oracionibus si obitus vestri ibidem fuerint nunciati In cuius concessionis testimonium sigillum mei officii duxi presentibus appendendum Anno Domini Millesimo Quadringentesimo Quadragesimo Nono, in nostro prouinciali capitulo. die Natiuitatis virginis gloriose Treueris celebrato.

Source Fulltext: FAIGL, Herzogenburg (Wien 1886) S. 477-478