Innocentius episcopus, servus servorum dei, dilectis in Christo filiabus, .., magistre et conventui ecclesie sancte Marie de Nyumburch, ordinis sancti Augustini, Pataviensis diocesis, salutem et apostolicam benedictionem. Meritis vestre religionis inducimur, ut, quam digne possumus, vobis libenter gratiam faciamus. Hinc est, quod nos vestris supplicationibus inclinati auctoriate vobis presentium indulgemus, ut ad receptionem seu provisionem alicuius per litteras sedis apostolice vel legatorum ipsius compelli minime valeatis absque speciali mandato sedis eiusdem faciente plenam et expressam ac de verbo ad verbum de indulgentia huiusmodi mencionem. Nulli ergo omnino hominum liceat hanc paginam nostre concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Asisii, kl. Julii, pontificatus nostri anno undecimo.