Ego Chunradus de Weigerwerch et uxor mea nomine Alheidisexistentes in Niwenburgk vltra Danubium omnibus Christi fidelibuspresentem paginam inspicientibus publice profitemur. Quod vineam nostram sitam in Weydnigk iuxta vineam, que dicitur Wasser||
Weingarten post mortem nostram ecclesie sancte Marie in Newnburgk sine aliqua impedicione parentum nostrorum libere delegavimus isto modo: vt si aliquis dictam ecclesiam post mortem nostram in eadem vinea temptaverit agravare, vinea nostra, quam aput memoratos fratres pro XX libris comparavimus sita in Geswent adeos libere denno revertatur. Verum tamen hoc adiungimus, quicumque nostrum prior decesserit, quod superstes, quamdiu vixerit, ipsam vineam possideat cum quiete nisi forte Dei instinctu eam resignet domui prelibate. Adiungimus eciam, si forte, quod absit, fortuna novercante propter inevitabilem penuriam sepe dictam vineam nos obligare vel vendere oportebit, et poterimus hoc probare, quod nullus nobis pro tempore vite nostre debeat vendendi, sive obligandi copiam denegare, dummodo post mortem utriusque ad sepefatam Ecclesiam revertatur. Et ne ab aliquo nostrum, sive parentum nostrorum presens contractus possit in irritum revocari, presentem literam Domini Ditrici officialis, magistri moncium, et iudicis nostri Wisintonis sigillorum munimine roboratam ipsis fratribus damus in signum evidens et cautelam. Testes sunt Dominus Ditricus officialis, dominus Wernhardus de Eyterbach, dominus Vlricus asinus, Hainricus de Augia, Rudgerus magister curie, Albertus Hofer, Reichbertus, Wikardus sakhaher, Kunradus gener Drileffs, Sifridus. Jubilate Datum in Neunburch per manum Domini Pabonis anno gracie M° CC° LX° II°.

Source Fulltext: ZEIBIG, Klosterneuburg (=FRA II/10, Wien 1857) S. 14-15