Wernhardus Dei gratia Pataviensis Episcopus Omnibus in perpetuum. Peticionibus, quas pro ecclesiarum recipimus necessitate, tanto favorabiliores nos haberi convenit, quanto eas devota petencium instancia racionis fulcita tramite reddit exaudicionis gracia et promtitudine digniores; maxime cum saluti conveniant animarum. Propter quod ad presencium et futurorum noticiam per harum continenciam literarum cupimus pervenire, quod cum capella in Herczogen-Pyrbawm, que est filia Ecclesie Parochialis in Holabrunn, in divinis et sacramentis ecclesiasticis graves et periculosos pateretur defectus ex eo, quod a parochiali ecclesia per nimiam remota distanciam residentem non habuerit sacerdotem, sed homines ipsius Ville ad parochialem ecclesiam pro ipsis divinis et sacramentis ecclesiasticis recurrebant, procurantibus nobisque supplicantibus Friderico Plebano de Holabrunn et predicte ville in Herczogen-Py\erbaw\em nec non villarum in Ottendorff, Plintendorf et in nu^esch incolis, Placuit nobis consecrare predictam Capellam in Herczogen Py\erbaw\em cum cimiterio adiacente et facere predictarum villarum incolis graciam infrascriptam., videlicet: Quod dicta Capella in Herczog Py\erbaw\em ammodo perpetuo residentem habeat sacerdotem, Quem Plebanus de Holabrunn, qui pro tempore fuerit, illic instituet et destituet quociens viderit oportunum.. Ipsam quoque Capellam predictarum villarum incole frequentabunt, qui eciam vna cum predicto sacerdote Plebano in Holabrunne tanquam parochiani obedire. per omnia tenebuntur. Sacerdos vero predictus ipsis ministrabit omnia ecclesiastica sacramenta, et in predicto cimiterio eorum mortuos sepeliet, et omnia divina ipsis faciet excepto placito Christianitatis, quod ad mandatum Plebani de Holabrunn aput parochum visitabunt. In signum quoque subieccionis bis in anno, id est in die Patroni et in anniversario Dedicacionis die parochialis ecclesie||
ipsam parochiam accedent processionaliter cum vexillo, et in vna festivitatum illarum offerent cereum habentem XII. libras cere pro beneficio vero huiusmodi graciarum illarum, quod a nobis et parochiali ecclesia prefati incole consecuti exsistunt, edificiis curie parochialis in Holabrunn proch dolor per ignem consumte XLVII. tal. denor. Wiennensium preter sumptos, quos memoratus Plebanus personaliter fecit, sepedicti incole impenderunt et nichilominus ipsi capelle in Herczogenpyrbawm comparaverunt in dotem duo talenta annuiorum reddituum, videlicet laneum Gerungi situm in eadem villa Domino Gerhardo de Obersezze et tu^eta eius uxore, a quibus memoratus Gerungus eundem laneum in fevdum obtinebat, liberaliter donantibus proprietatem ipsius lanei Capelle predicte pro suorum remedio peccatorum. Comparaverunt quoque aream pro residencia sacerdotis, cuius proprietatem et fvndum quedam vidua nomine Rihtza cognomine Wirnszinna libere donavit Capelle predicte. Prefatus quoque Gerungus agros prefati lanei, et aream ipsius lanei duo coloni, qui resident in eadem in emphiteosim possidebunt, et Gerungus de agris ipsis XIIII^or solidos coloni vero predicti de area LI. denar. tenebuntur in festo beati Georii Sacerdoti sepedicto solvere annuatim. In quorum omnium testimonium presentes literas fieri iussimus et nostro sigillo muniri. Datum Wienne Anno domini Millessimo CC. Nonagesimo quarto, VIII. Kl. Marcii.

Source Fulltext: ZEIBIG, Klosterneuburg (=FRA II/10, Wien 1857) S. 48-49