Nos Wigandus dictus Eysenpeutel et Tuta uxor ipsius notum facimus vniversis, tam futuris quam presentibus has literas inspecturis, quod nos in quodam necessitatis articulo positi redditus dimidii talenti et quinque denariorum nobis proprietatis titulo attinentes in villa Ma\echsendorf, videlicet de duabus areis sexaginta denarios, de prato sexaginta denarios et de via, que viechtrift dieitur quinque denarios annuatim solvendos, honorabilibus et religiosis viris preposito conventui et ecclesie Neunburgensi ordinis s. Augustini Pataviensis dyocesis pro quadam quantitate pecunie racionabiliter vendidimus deliberacione concordi et vnamini voluntate eo proprietatis iure, quo nos redditus eosdem tenuimus possidendas, protestantes, nos predictam pecuniam percepisse et renunciantes pro nobis et nostris heredibus seu coheredibus in hiis scriptis redditibus memoratis, promittimus et tenemur antefatis preposito, conventui et ecclesie de evictione cavere iuxta tene consuetudinem in huiusmodi contractibus approbatam. In cuius rei testimonium et cautelam hanc cartam conscribi et sigilli mei, videlicet Wigandi fecimus robore comuniri. Testes sunt Otto pincerna de Haslowe, Vlricus de Wolfgersdorf, iudex provincialis, Hermanns Marscalcus de Landenperch, Albertus de Ala\echt, Poppo de Libenberch et quam plures alii fide digni. Actum et datum Newnburge anno Domini M°CC°XCVIII°. in die Mathie apostoli.

Source Fulltext: ZEIBIG, Klosterneuburg (=FRA II/10, Wien 1857) S. 58-59