Ich Otto der Chrevtzer ze den Zeiten Rihter vnd der Rat gemain von der Stat ze Herzogen Nevmburch wir veriehen at - - daz her Chvnrat der Altrihter von Trebense mit verdachten mut vnd mit gvtem willen seins svnes hern Chvnrates ain hofstet vnd ainem Weingarten, die da ligent an dem Nevsidel, vnd zwo hofstet, die da in di vorgenanten hofstat gehorent vnd dient, verchovffet hat vmb Nevnzich phvnt an ain phvnt wienner phenning, der er reht vnd redleich gewert ist, dem Erbern herren Apt Haidenrichen vnd der Samnvng gemain des Goteshovses vnser vrowen da ze Zedlicz - - - vnd hat - - ovfgegeben mit des Erbern Ritershant hern Vlreiches von Chriczendorf, der ze den zeiten des herczogen amptman was - - Davohaben wir geben disen prief - - - versigelten mit vnser Stat Insigel. Diser prief ist gegeben ze Herczogen Nivmburch des nachsten Svnnetages nach dem auffarttag vnsers herren. Nach Christes gebvrt in dem drevzehenten hvndertisten Jar.

Source Fulltext: ZEIBIG, Klosterneuburg (=FRA II/10, Wien 1857) S. 63-64