Wir Perhtolt von Gotes genaden Brobst, Eberhart der Techant mit samt der Samnung der Chorherren zu Nevnburch Tuen chunt, vnd verichen - - - daz Johannes von Nuzdorf vnd sein Chv frowe Gerdraut - - - gegeben habent durch ir sel hail nach paider Tod vnserm Gotshovs ires rehten Pvrchrechtes ze Otachring Drev phvnt phenninch gulte auf Holden vnd auf weingarten, di man vns alle jar dienen sol an sand Merteins tag, dar zue dreizzich huener, der man alle jar zwelve dienet ze weichnachten Nevne ze Ostern, vnd Nevne ze Phingsten - - Diser red ze ainer ewigen sicherhait geben wir disen brief mit paiden Insigeln versigelt mit disen gezeugen, di hie geschriben sint. Daz ist her Wernhart der Schiver, her Vlreich von Chritzendorf, die zwen Ritter. Dar nach Rudger von Nuzdorf, Durinch sein aidem, Gervnch hern Choln svn, Tazze sein bruder, Wisent von Egenburch, Pernhart, Ortolf der Huetstoch, Rudger von der Heiligenstat, Chvnrat der Schiver vnd Alhart von Chalnperg. Diser Brif ist gegeben ze Nevnburch, Da nach Christes gepvrte waren ergangen tausent iar, Drevhundert iar, Dar nach in dem sechsten iar an Sand Barnabe Tag.

Source Fulltext: ZEIBIG, Klosterneuburg (=FRA II/10, Wien 1857) S. 99-100