Ich Gervnch, hern Choln svn, dem got genad - daz ich mit guetleichem willen meiner chvnn vrowen Agnesen - dem ersamen meinem hern hern perchtold vnd dem gotshaus ze Newnburch ze chauffen han gegeben drey phvnt geltes drey schillinge vnd zehen phenninge, di mein rechtes lehen sint gewesen von dem selben gotshaus auf behausten holden da selben in der weiten gazzen, vnd an dem nydern marcht vnd auf des Schivers padstuben vnd auf etleichen holden di da pei gesezzen sint, vnd in der walchgazzen vnd in der Staingrueb vnd auf einer marchtzüllen an dem samcztag nevn schilling, di in daz vorgenant gelt geraittet sint,vmb vier vnd dreizzich phvnt phenning wiener mvnzze. - Des sint geczeuge Durinch von Mewrling, Johannes von Nuzdorf, herman von freising, Chvnrat, Rudwein, Engeldiech vnd Wisent - Diser prief ist gegeben ze Newnburch da man zalt nach Christes gepurte drevczehen hvndertn iar dar nach in dem aindliften iar an sant lucein tag.

Source Fulltext: ZEIBIG, Klosterneuburg (=FRA II/10, Wien 1857) S. 130-131