Ich Wernhart der Schiver, amptman des Gotshaus ze Neunburch vergich vnd tuen chunt - - daz der erber he heJacob Corher ze Newnburch gechauffet hat mit meines herrn Brobst Berchtoldes vrlaub vnd mit willen aller meiner herren wider Dietreichen dennagel vnd sein Chvn vrown Reichzen iren weingarten, des ain viertail ist, vnd ist gelegen an dem gastaig ze nachst dem Radecker vmb zwayen fumfczich phvnt phenning wienner munzze - - vnd soll auch der vorgenant her Jacob mir dienen von dem vorgenanten weingarten alle Jar an sant Michels tag achtedhalben phenning - - ze ainer sicherhait gib ich dem oftgenanten hern Jacoben meinen prief versigelt mit meinem insigel. Des sint gezeuch Herman von freising, fridreich der hutstoch, Engeldich von Maurbach, Wisent von Egenburch, Jacob der chellner, Peter sein prueder, fridreich Ganzrab, Hainreich, sein aidem, Chunrad zebel, Hainreich der phister. Diser prief ist gegeben, da von Christes gepurde waren drevzehen hvndert Jar, dar nach in dem Drevzehenten iar an dem perichtag.

Source Fulltext: ZEIBIG, Klosterneuburg (=FRA II/10, Wien 1857) S. 138-139