Ich Symon von Prunssendorf Vergich - daz ich - geben han meines rehten aigens, als ich ez gehabt han, vnd als mi\er ez mein Vordern lazzen habent, hincz Newenburch dem Gotshaus v\of vnser Vrowen Alter zwelif Jeuchart achers, die gelegen sint ze Prunssendorf also beschaidenleich, wer der ist, der die vorgenanten zwelif Jeuchart achers in nuz vnd in gewer hat, ze ainzigen, oder mit einander, der sol alle iar dienen v\ef vnser Vrowen Alter ze Newenburch ie von dem Jeuchart zwen phenning Wienner Munzze an sant Michels tag. - Darvber gib ich disen prief ze Vrchunt vnd ze sicherhait dem egenanten Gotshaus versigelten mit Rat vnd mit gunst meiner Erben vnd meiner freunt, wand ich nicht aigens Insigels het, mit meines O^eheimes Insigel, hern hainreiches ze den zeiten Pharrer ze Prunssendorf. Der prief ist geben - Dreuzehenhundert Jar in dem ain vnd zwainzigisten Jar an sant Andrestag.

Source Fulltext: ZEIBIG, Klosterneuburg (=FRA II/10, Wien 1857) S. 181