Nos Albertus dei gracia Pataviensis Episcopus Ad vniversorum volumus noticiam pervenire, Quod constitutus in nostra presencia Venerabilis Stephanus prepositus Mon. Newnburgensis nobis humiliter Supplicavit, quatenus donacionem Iuris Patronatus Capelle in honore Sanctorum Bartholomei apostoli, Sancte Marie Magdalene dedicate, Ecclesie parrochiali Sancti Martini in Newnburga annexe factam per discretos viros, Reinbotonem Hubenmaister, Civem in Wyenna, Luciam, uxorem ipsius et Chunradum Sybenhozz Civem||
Newnburgensem a parte Claustrali, nec non Wisentonem de Ru^ekersdorf sibi suisque successoribus omnibus, Ac ecclesie et Monasterio Sancte Marie ibidem, de solita benignitate confirmare dignaremur, Verum quia dicti patroni, ad quos Ius patronatus Supradictum pertinebat, pro se et omnibus ipsorum heredibus eidem Iuripatronatus in manibus venerabilium virorum, Mauricii Abbatis Schotorum et Stephani prepositi sepefati liberaliter et sine omni condicione renunciarunt, Cedentes omni iuri, quod eis, vel cuilibet eorum de iure vel de facto in Iurepatronatus competebat antedicto, In quo prepositum, Suos successores et Monasterium suum volebant eis succedere, et illud perpetuis temporibus tenere et pacifice possidere, prout hoc in literis super omnibus premissis lucide confectis plenius vidimus contineri. Peticionibus ergo prefati prepositi favorabiliter inclinati donacionem, Renuncciacionem et cessionem supradictam Ratificamus, approbamus et presentis scripti patrocinio confirmamus, Sic tamen, quod predicta Capella debitis obsequiis, prout in ipsius fundacione institutum est, aliquatenus non fraudeter. In cuius rei testimonium Presentes fieri fecimus literas, Sigilli nostri appensione communitas. Datum Wyenne Anno Domini M° CCC° XXV° In crastino pasche domini.

Source Fulltext: ZEIBIG, Klosterneuburg (=FRA II/10, Wien 1857) S. 214-215