Ich Symon zeden zeiten Richter vnd wir der Rat mit sampt der gemain der Purger hie ze Neunburch Veriehen, - daz Vre Chunigunt Jansen des Verigen Witib, dem Got gnade - verchauft hat allez das recht, daz si vnd ir wirt Jans an dem Urvar vnd an dem gewaltigen scheffe hie ze Neunburch (gehabt habent) dem erbern herren, Brobst Stephan Umb fv\emf vnd zwainczig phunt, Vnd Vmb siben sibenczig phenning Wienner Mu^ensze, der Brobst Stephan Jansen dem Verigen vnd sein hausvrawen Vren Chunigu^enden sibenzechen phunde vnd siben vnd siebenczich phenning pej Jansen Lebentigen tagen gewert hat, die si mit gesampter hant verzertt hawent, Darnach hat er Vren Chunigunden, vnd ir pede Tohter Katreyn Vnd Elspeten der acht phunde ganzleich gewert - - Des geben wir - disen prief zu eine wore zeug versigelten mit vnser Stat Insigel. Der prief ist geben nach Christes gepurt dreuzehen hundert Jar darnach in dem siben vnd zwainzigisten Jar an sand Georigen tag.

Source Fulltext: ZEIBIG, Klosterneuburg (=FRA II/10, Wien 1857) S. 228-229