Ich Georig der Snaitzauf vergich - Daz ich - verchauft han mein fumf holden daz Chrizendorf, die ich gehabt han ze purchrecht von dem Goteshaus ze Ranshoven, dem man zwelif phening zw purchrecht davon dient, der ainer haizzet Chunrat der Chnaeuzzel, vnd ainer Hertel an der mietstat, vnd des Chnaeuzzleins mueter, Hainreich der Reisner vnd Chunrat Margreten Svn, der iegleicher dient zwelf phenning an sant Michels tag, Dem Erbern manne hern Petrein dem vreisinger, zu den zeiten hofmaister des Gotshaus ze Newnburch vnd sein erben vmb acht phunt wienner phenning - Vnd gib in darvber disen prif - versigelten mit meim Insigel vnd mit hern Gervngs des Choln Insigel, vnd mit Weigants Insigel von Chriczendorf - Der prief ist geben - dreuzehen hundert Jar dar nach in dem Syben vnd Dreizzigistem Jar an sant Margreten tag.

Source Fulltext: ZEIBIG, Klosterneuburg (=FRA II/10, Wien 1857) S. 264-265