Ich Weychart von Topel, ze den zeiten hofrichter in O^esterreich vergihe - Daz vrow Maechthilt, hern Fridreichs Tochter von Riczendorf hincz Hainreichen dem Sakche Richter ze Newnburch so lange vor mein in rechtem hoftayding gechlagt hat vmb einen weingarten an dem Pu^esenperg, den man nennet den Cebinger, daz si den selben weingarten mit rechtem recht in die vron pracht vnd dar nach in dem na\echsten hoftayding nach der vron chom der egenant Hainreich der Sakch nicht, daz er den weingarten verantwu^ertt hiet,||
als er ze recht solt. Do chom die egenant vrowe Maechthilt vnd pat mit vorsprechen vragen, was recht wer. Do wart ir von den Lantherren ertailt vnd vervolget mit vrag vnd mit vrtail, Seid der egenant Hainreich der Sakch den vorgenanten weingarten nach der vron nicht verantwu^ertet hiet, als er ze recht solt. Ich solt die vorgenanten vrown Maechtilten des vorgenanten weingartens gewaltich machen vnd an die gewer seczen , vnd solt auch ir den der Herczog schirmen ‚ als des Landes recht wer in Osterreich. Daz han ich getan mit vrchvnde diczes priefes, Der ist geben ze Wienne - Drevzehen hundert Jar in dem Newn vnd Dreizzigistem iar des freytags nach vnsers herren Leichnames tag.

Source Fulltext: ZEIBIG, Klosterneuburg (=FRA II/10, Wien 1857) S. 273