Ich Symon zu den zeiten Richter vnd wir der Rat der Purger hie ze Newnburch Chlosterhalben veriehen - daz vnser Spitalmeister in dem Lederpach Vrawn Helenn vnd irm Ohaim Chunrad begen sol allev Jahr ewichleich daz selgeret von dem phunt geltes vnd dienstes, daz Chunrad vnd Vlreich Velbrechts sun ped von Chrizendorf vrawen Helen vnd irm Oheim Chu^enrad gechauft habent auf dem Jeuch Weinwachs in dem Zinne. Daz sol vnser Spitalmaister, swer der ist, legen vnd tailen vnder die Siechen in dem Spital, als vere ez gelangt, als ir prief sagt, den seu dem Spital dar vber gegeben habent. Wer dar vber vnser Spitalmaister savmig daran - so suln sich vrawn Helenn vnd irs Oheims Chunrats naechst Erben desselben phunt geltes vnd dienstes vnderwinden, vnd suln daz selb phunt geltes geben auf ein ander Gotshaus, wo sev hinwellen - Des geben wir disen prief - versigelten mit vnsrer Stat Insigel - Dreutzehen hvndert Jar, dar nach in dem vierczigistem Jar an sand Pauls tag als er bechert wart.

Source Fulltext: ZEIBIG, Klosterneuburg (=FRA II/10, Wien 1857) S. 277