Ich Vlreich der Preczman vnd ich Elspet sein hausvrow Veriechen - daz wir - mit vnsers amptmanns hant, hern Jansen des Vreysinger durch got vnd durch vnser paider sel hail willen - geschaft vnd geben haben vnser haus mit sampt der hofstat, Weingarten hinden dar an - halben in der herren Oblay vnd halben in die Gustrey. Dar vm vns die erbern Chorherren auz irr Oblay begen sullen einen ewigen iartag, alz irr gewonhait ist, ander iarteg zu begen. So sol vns der Guster auz der Gustrey auch einen ewigen iartag begen - Vnd geben in darvber disen brief - versigelt mit vnsers egenanten Amptmanns insygel Jansen des Vreysinger. Des ist auch gezeug mit seinem insygel der erber man Gvndolt der Tucz - Der brief ist geben - drevzehen hvndert Jar‚ darnach in dem Nevn vnd virczygisten Jar an sand Gyligen Tag.

Source Fulltext: ZEIBIG, Klosterneuburg (=FRA II/10, Wien 1857) S. 330-331