Ich Jans von Tyerna, zu^e den zeiten Mu^ensmaister ze wienne veriehen - Daz fur mich chom Gerunch der Chol, zu^e den zeiten Amptman dez Gotshaus vnser vrawen ze Newnburch, do ich sazz an offem gerichte in einem rechten Perchtaydinge, von des obgenanten Gotshaus wegen, vnd Jach, daz er als lange gechlacht hiet an des selben Chlosters Stat ze Newnburch in rechtem Perchtaidinge hincz den weingarten, die hernach an disem prief geschriben stent vmb daz Perchrecht, daz da von gevallen solt, als des selben Gotshaus registrum sagt. Des ersten in der Sumerawe hincz Ru^edleins dez Renner weingarten, des ain viertail ist ze naechst dem Wagner, vnd hincz Otten weingarten, des Notternswaiz dez ein viertail ist ze naechst Rudlein dem Renner; vnd hincz Vlreichs weingarten dez Toblinger, des drew viertail sint ze naechst Chunrates dem Paechlein; vnd hincz Chunrates weingarten des Paechleins, des ain viertail ist ze naechst Petrein von Salczpurch; vnd hincz Hainreichs weingarten des vilobeinander, des ain Achtail ist ze naechst Petrein von Salczpurch; vnd hincz Andres weingarten des SchO^etleins, dez ein viertail ist ze naechst dem vilobeinander; vnd hincz vrown Cristein weingarten der Maeschlinne, des ein viertail ist ze naechst Andren dem SchO^etlein; vnd hincz Chunrats weingarten des Schauwer, des ein Sechstail ist ze naechst Vlreichen dem Ringenwirt; vnd hincz Hainreichs weingarten des Reczer, des ein dritail ist zenaechst dem Murroten Petrein; vnd hincz Perichtolts weingarten von der heiligenstat, des ein sechstail ist ze naechst dem Murroten petrein; vnd hincz Hainreichs weingarten des Regenwu^erm, des ain viertail ist zenaechst Rudlein dem Horn; vnd hincz Perichtolts weingarten von der heiligenstat, des ein achtail ist zenaechst dem Murroten Petrein; vnd hincz Chunrats weingarten des Perchleins, des ein viertail ist ze naechst dem Schrimphen; vnd hincz des Gru^edleins weingarten, dez ein achtail ist zenaecbst Chunraten dem Richter; vnd hincz des Pisichtel weingarten, des ein achtail ist ze naechst Jansen dem Toblinger; vnd hincz Jansen weingarten des Toblinger des ein viertail ist ze naechst dem Chu^emmerschu^eczen; vnd hincz ernsten weingarten, des ein viertail ist zenaechst Chunraten dem vaesten; vnd hincz Albrechts weingarten des fuchstruchner, des ein viertail ist ze naechst der Reysnerinne; vnd hincz Andres weingarten des Maeschel, des ein viertail ist ze naechst Ru^egern dem Grilln; vnd hincz Chunrats weingarten, Eberharts aydem, des ein viertail ist ze naechst Seyfriden von der Chu^enichswisen ; vnd an dem Haendleinsperge hincz Hertleins weingarten des fragner, des ein halbs Jeuch ist ze naechst Marcharten Ratenperger; vnd hincz Marcharts weingarten des Pekchen, des anderthalb viertail sint ze naechst Heman dem Juden; vnd hincz Steffans weingarten des haugen, des ein viertail ist ze naechst dem Chottrer; vnd hincz Vlreichs weingarten des Chummost, des ein viertail ist ze naechst des Chottrer; vnd hincz Merten weingarten des Saichinspette, des ein viertail ist ze naechst dem Grillen; vnd hincz Thomans weingarten des Snaerzel, des ein viertail ist ze naechst Merten dem Saichinspette; vnd hincz des Ekstains weingarten‚ des ein achtail ist ze naechst dem Halbegans; vnd hincz Hainreichs weingarten des Rosenlacher, des ein halbs Jeuch ist ze naechst dem Pazzauwer; vnd hincz Hainreichs weingarten mit der ayden, des ein viertail ist zenaechst dem Rosenlacher; vnd in dem newen ra\eutten hincz Wolfhartes weingarten des walich, des ein viertail ist ze naechst Steffan, dem Heftenhengst; vnd hincz Vlreichs weingarten des Fuchstruchner, des ein viertail ist ze naechst wernezlein dem Wagenchnecht; vnd hincz Fridreichs weingarten des Payr, des ein viertail ist ze naechst Vlreichen dem Fuchstruchner; vnd hincz Steffans weingarten des Hvchstenslunt, des ain viertail ist zenaechst Fridreichen dem Payr; vnd hincz Fridreichs weingarten des Payr, des ein viertail ist ze naechst Chunraten dem Waicz; vnd hincz Chunrats weingarten des Waiczs, des ein halbs Jeuch ist ze naechst dem Chaufman; vnd hincz Seyfrits weingarten, des ein halbs Jeuch ist ze naechst dem Sybenstoche; vnd an dem Reysenperge hincz Nichlas weingarten des wimer, des ein achtail ist, ze naechst Ru^egern dem weingen, Leupolts Sun; vnd hincz Albrechts weingarten des Fuchstruchner, des ein halbs Jeuch ist ze naechst Hainreichen Halbegans; vnd hincz Fridreichs weingarten des Fuchstruchner, des ein viertail ist ze naechst Leublein, dem Chleman; vnd in der Arnoltsawe hincz Chunrats weingarten des vasszieher, des ein viertail ist ze naechst Merten dem fragner; vnd hincz Vlreichs Weingarten dem hakchenteufel, des ein achtail ist ze naechst Jansen dem Sybengugel; vnd hincz Chunrats weingarten des Schu^ester, des ein achtail ist ze naechst Wernharten dem ChO^elbinger; vnd hincz Hertleins weingarten des RO^esel, des ein achtail ist ze naechst Jansen dem Sybengugel; vnd in dem Laydersperge hincz Nichlas weingarten des Giener, des ein viertail ist, ze naechst Mathesen dem Panczier; vnd hincz Chunrats weingarten, des Chleman, des ein halbs Jeuch ist ze naechst Mathesen dem Panczier; vnd hincz Dietreichs weingarten des Penchnecht, des ein Sechtzehentail ist ze naechst Fridreichen von der heiligenstat; vnd hincz Obrechts weingarten des Chu^ersner, des ein viertail ist ze naechst Vlreichen dem weismel; vnd hincz Nichlas weingarten in der Prezz, des ein viertail ist, ze naechst Vlreichen Weismel; vnd hincz Chunrats weingarten des Chleman, des ein halbs Jeuch ist ze naechst Otten dem Rolays; vnd hincz Otten weingarten des Rolays, des ein viertail ist ze naechst Chunraten Chleman; vnd hincz Vlreichs weingarten des TO^etter, des ein viertail ist ze naechst Chunraten Weizzen ; vnd hincz Vlreichs weingarten des Hakchenteufel, des ein viertail ist, ze naechst dem ChO^eppel; vnd warn auch die vorgenanten weingarten alle in dem vierden iar vnverdient gelegen, vnd warn auch darnach ze Reys gesagt, vnd hiet auch vron bot vmb die fu^erbot sein chuntschaft gesagt, als er ze recht solt in einem iegleichen Perchtaydinge, vnd pat auch do Gerunch, der Chol vragen, waz nu recht waer; do ward im mit vrag vnd mit vrtail ertailt, mO^echt er die chuntschaft alle, als vorgeschriben stet, pringen vnd war machen, als er ze recht solt, dez solt er geniezzen an seinen rechten. Do pracht er daz in rechten Perchtaydingen, vnd macht ez war mit zwain erbern manne, als er ze recht solt, vnd als im vrag vnd vrtail gegeben hiet. Vnd pat auch der selbe Gerunch der Chol vragen mit vorsprechen, waz nu recht waer; do wart dem oft genanten Gerungen dem Choln mit vrag vnd mit vrtail vervolgt vnd ertailt‚ seyt er alle die recht gelaist vnd volfu^ert hiet, als er ze recht solt, vnd das des Landes recht ist ze O^esterreich, vnd seit auch niemant der vorgenanten weingarten chainen verantwurten wolt, vnd man doch iegleichen erben, den die weingarten angehO^eret habent, ze rechten taegen vnd ze rechter zeit ze wizzen getan hiet, als er ze recht solt, als er auch daz pracht vnd war gemacht hat, als er ze recht solt, als vorgeschriben stet; Er solt fu^erbaz von dez obgenanten Chlosters wegen mit den egenanten weingarten allen seinen frumen schaffen,||
verchauffen, hin lazzen vnd hin geben, daz daz selbe Perchrecht vnd Voytrecht, daz die egenanten weingarten dienent, wider gestift wu^erde dem egenanten Chloster ze Newnburch, als des selben Chlosters Registrum sagt, vnd solten auch alle die prief, die vber dieselben Weingarten Sagent vmb Gelt, vmb Perchrecht, hincz Christen vnd hincz Juden Tot vnd ze nicht sein, vnd chain chraft mer haben weder vmb vil, noch vmb wenig. Vnd wand diser taydinge vnd diser recht vor mir vnd vor andern erbern leuten in rechten Perchtaydinge mit vrag vnd mit vrtail gewandelt vnd geschehen seint, dar vber so gib ich Jans von Tirna dem oftgenanten Chloster ze Newnburch disen prief - versigilt mit meinem Insigil vnd mit hern Nichlas Insigil des Würffels, zu^e den zeiten Richter ze Wienne, vnd mit hern Hainreichs Insigil des O^eler, vnd mit hern Thomans Insigil des Swaemleins, vnd mit hern Engelharts Insigil des Libentzer, mit hern Jansen Insigil des vreysinger, vnd mit hern Christans Insigil dez Tu^eczen - Diser prief ist geben - Dreuczeuhen hundert Jar, darnach in dem vier vnd fumfczigistem iar, des naechsten Mittichens nach vnser vrown Tage der Schidunge.

Source Fulltext: ZEIBIG, Klosterneuburg (=FRA II/10, Wien 1857) S. 352-355