Wir Clemens von GO^ets gnaden Abt dez Gotshaw\es vnser Vrow\en vnd der Schotten ze Wienne vnd der Convent gemain dez selben Gotshaus, vnd alle vnser NachchO^emen vergehen offenlich an disen brief - Daz ein Chrieg gewesen ist zwischen dem Erwirdigen Gaistleichen Herren Probst Ortolffen von Volcheinsdorf dez Gotshaw\es ze New\enburch vnd dem Convent gemain da selbs an ainem tail, vnd zwischen vns an dem andern tail vmb die aygenschaft baidew\e stifften vnd stO^eren der Siben achtail weingarten gelegen an dem Purchfride vor Cheerner Tor ze Wienne auf der Tunkgru^eb, Daz wir den Chrieg vmb dieselben aygenschaft stiften vnd stören durch fueg vnd beschaidenhait willen lazzen haben also beschaidenleich, daz der Vorgenant Probst Ortolf von Volchenstorf dez Gotshaus vnser Vrown ze Newnburch, vnd daz selb sein Gotshaus sůln fu^erbaz ewichleichen die egenanten Siben achtail weingarten mit rechter aygenschaft stiften vnd stO^eren, alz Aigens stiftens vnd stO^erens Recht ist, vnd des Lands Recht ze O^esterreich, denne alz vil, daz Si vns vnd vnserm Gotshaus von denselben Siben achtail Weingarten fu^erbas ewichleichen alle iar reichen vnd dienen suln Sechs Wienner phenning an sant JO^erigen tag vnd nicht mer. Vnd daz disew Sache fu^erbaz also staet vnd vnczerbrochen beleib, Dar vmb so geben wir Abt Clemens und der Convent gemain dez Gotshaus vnser Vrovn vnd der Schotten ze Wienne den obgenanten Probst Ortolfen von Volkchenstorf vnd dem Convent gemain dez Gotshaus vnser Vrow\en ze New\enburch disen brief zu^e einer Ewigen vestnunge versigiltn mit vnsern baiden anhangunden Insigeln. Der geben ist ze Wienne - Drewczehen Hundert Jar, darnach in dem Sechs vnd fu^emfzigisten iar des Erichtags vor sant Michels tag.

Source Fulltext: ZEIBIG, Klosterneuburg (=FRA II/10, Wien 1857) S. 373-374