Ich Pru^eder Dyetreich czu den zeiten Prior vnd der Convent gemain des Chlosters ze aller Heyligen cze Maurbach, des Ordens von Karthus veriehen - Daz wir - nach vnsers ordens vrlaub - durich lieb vnd durich pet des Erbern Herren hern Ortolfs von VolchensdO^erf, PrO^ebst des Gotshaus Vnser Vrown ze Newnburch Chlosterhalben verchauft haben vnsers rechten ledigen vrein aygens fu^emf Emmer Weins geltes perchrechtes gelegen auf Niclas des Manseber erben weingarten, der do leit cze Newnbu^erch in dem Eysengraben, des drew viertail sint - vmb acht phunt wienner phenning, der wir gar vnd ganz gewert sein von Niclas des Manseber erben. Ez schol auch derselb weingart mit gruntrecht fu^erbaz ewichleich ze stiften vnd ze stO^eren sein von dem Gotshaus ze Newnbu^erch mit sechs wienner phenning fuer puerchrecht vnd fuer voitrecht an Sand Michelstag - Ez schuln auch hern Hainreichs von Volchensdorf seligen erben des scherm von vns, als vnser prief sait, der fumf emmer perchrechts ledig sein - Darumb geb wir in disen prief versigelt mit vnsern anhangunden Insigil. Der prief ist geben nach Christi gepu^erd Dreuczehen hundert iar, darnach in dem Sechczigsten Jar des Suntages in der ersten Vasten Wochen.

Source Fulltext: ZEIBIG, Klosterneuburg (=FRA II/10, Wien 1857) S. 392-393