Ich Nyclos der Prenner, Purger ze Newnburch Marchthalben vnd ich Anna sein hansfraw, Ich Gorig der Prenner vnd ich Christein, sein hausfraw vnd vnser aller Erben Wir veriehen - das wir mit vnsers Gruntherren hant Gebhart s des floytz ze Pusenperig verchauft haben zwo Jeuchart acher gelegen im Pusenperger Veld vnd stozzen an dew Setz vnd ligent ze nest Lienharten dem Enn do man alle Jar von dient dem egenanten Gebharten dem floiten vierzehen wienner phenning ze Purchrecht - vmb achzehen phunt wienner phenning - dem Erbern mann Jacoben des alten sluzzler Svn die zeit Statrichter ze Newnburch Chlosterhalb vnd seiner hawsfrawn Dorothea - Vnd geben in daruber den brief - versigilt mit meim Niclas des prenner aigem Insigil vnd mit vnsers Gruntherren insigil, Gebhartz des floyten ze Pusenperig, vnd mit Dietreichs Insigil von Ruspach, die zeit Stat Schreiber ze Newnburch Marchthalben - Der brief ist geben - drewzehn hundert Jar dar nach in dem ain vnd Sibenczygisten Jar des Suntages nach Sand Michels tag.

Source Fulltext: ZEIBIG, Klosterneuburg (=FRA II/10, Wien 1857) S. 442-443